Президент Шавкат Мирзиёев томонидан 28 январь куни электр энергетикасини 2025-2035 йилларда ривожлантириш чора-тадбирлари бўйича ўтказилган йиғилишда мамлакатимизда сўнгги саккиз йилда электр ишлаб чиқариш 38 фоизга ошиб, 81,5 миллиард киловатт соатга етганлиги, хусусий секторга кенг йўл очилгани туфайли 11,2 гигаваттли қўшимча қувват яратилганлиги, натижада бу секторнинг генерациядаги улуши 24 фоизга, “яшил” энергия ҳиссаси эса 16 фоизга етганлиги қайд этилди.
Айтиш жоизки, бу борада, мамлакатимизда экологик тоза, арзон ва қайта тикланувчи энергия манбаларини кўпайтириш ҳамда мавжуд қувватларни оширишга алоҳида эътибор қаратилиб, “Ўзбекгидроэнерго” акциядорлик жамияти томонидан маҳаллийлаштириш доирасида кенг кўламли амалий фаолият олиб борилмоқда.
Жамият томонидан режавий асосда ҳудудларда кичик ва микро шаклдаги янги ГЭСлар барпо этилиб, фойдаланишга топширилмоқда.
Бугун, 30 январь куни Қашқадарё вилояти Шаҳрисабз туманида, Ҳисорак сув омбори қошида янгидан барпо этилган Ҳисорак кичик ГЭСнинг расмий очилиш маросимига бағишланган тантанали тадбир бўлиб ўтди.
Тантанали очилиш маросимида Ўзбекистон Республикаси Бош вазирининг ўринбосари Ачилбай Раматов, “Ўзбекгидроэнерго” АЖ Бошқаруви раиси Абдуғани Сангинов, Қашқадарё вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари Муродулло Азизов, Шаҳрисабз тумани ҳокимлиги ҳамда ҳудудий тизим корхоналари мутасаддилари, соҳа мутахассислари, маҳаллий аҳоли ҳамда ОАВ вакиллари иштирок этди.
-DECW-biw.jpg)
Тадбирни кириш сўзи билан Қашқадарё вилояти ҳокими ўринбосари Муродулло Азизов очиб берди ҳамда юртимизда Президентимиз раҳнамолигида энергетика соҳаси, хусусан, “яшил” энергетика манбаларини ривожлантиришга алоҳида эътибор қаратилаётганлигини, бу борада, “Ўзбекгидроэнерго” АЖ томонидан амалга оширилаётган истиқболли лойиҳалар вилоят ижтимоий-иқтисодий ривожланишига муҳим ҳисса қўшаётганлигини алоҳида қайд этди.
Сўзга чиққан “Ўзбекгидроэнерго” АЖ тизим ташкилоти “Гидроқурилиш буюртмачи хизмати” МЧЖ директори Воҳиджон Аҳмаджонов томонидан халқимизга хизмат қилиш юксак шараф эканлиги, гидроэнергетика тармоғи “яшил энергетика”нинг муҳим манбаи эканлиги, Жамият томонидан амалга оширилаётган лойиҳалар ижроси эндиликда тўлақонли маҳаллийлаштириш доирасида бажарилаётганлиги, ҳудудларда қурилаётган кичик ва микро ГЭСлар лойиҳаларида миллий контентдан самарали фойдаланилаётганлиги таъкидланди.
“Ўзбекгидроэнерго” АЖ томонидан Шаҳрисабз тумани иқтисодий-ижтимоий ривожи ҳамда маҳаллий аҳоли фаровонлиги учун энергетик қуввати 3,5 МВтга тенг, йилига ўртача 17,5 млн. кВт.соат электр энергияси ишлаб чиқарувчи Ҳисорак кичик ГЭС фойдаланишга топширилди.
Ҳисорак кичик ГЭС қурилиши тўлиқ маҳаллийлаштириш доирасида Жамият томонидан амалга оширилди. Лойиҳалаш ва қурилиш-монтаж ишлари тизим ташкилотлари “Гидропроект” АЖ ҳамда “Гидроқурилиш буюртмачи хизмати” МЧЖ томонидан бажарилди.
ГЭСнинг лойиҳавий қиймати 1,5 млн. долларга тенг. Янги ГЭСда 6 та иш ўрни яратилди. ГЭС фаолияти йилига ўртача 5 млн. м3 табиий газ иқтисод қилинишига замин яратади.
Ишга туширилган мазкур ГЭС томонидан ишлаб чиқариладиган электр энергия 7 300 та хонадонни нурафшон қилишга хизмат қилади.
Реклама ҳуқуқи асосида.
Изоҳ (0)