Андижон вилоятида фаолият кўрсатувчи АЁҚШлар истеъмолчилардан 128 миллион сўмга яқин асоссиз даромад олгани аниқланди. Бу ҳақда Рақобат қўмитаси хабар берди.
Қўмитанинг Андижон вилояти ҳудудий бошқармаси томонидан ўтган 2024 йил давомида автомобилларга ёқилғи қуйиш шохобчалари томонидан истеъмолчиларга етказиб берилаётган бензин маҳсулотлари сифати юзасидан ўрганишлар ўтказилган.
Олиб борилган ўрганишлар натижасида 18 та хўжалик юритувчи субъектлар:
- “Файкон” МЧЖ;
- “Марказий Газ Оил” МЧЖ;
- “Азизбек Барчиной” МЧЖ;
- “Санжар” МЧЖ;
- “Қалқон инвест стар” МЧЖ;
- “Барака 2000” МЧЖ;
- “Зиё агро кимё минерал” МЧЖ;
- “Абдусаттор сифат оил” МЧЖ;
- “Мадина барака хамкор” МЧЖ;
- “Андижон нефть базаси” МЧЖ;
- “Файз барака ҳамкори” МЧЖ;
- “Эcо петрол мах” МЧЖ;
- “Мустақиллик 2001” МЧЖ;
- “Элит транзит оил” МЧЖ;
- “Бобуршох плюс оил” МЧЖ;
- “Брава оил ко” МЧЖ;
- “Мохинур оил” ХК;
- “Макс петрол агро” МЧЖ
томонидан истеъмолчиларга сифатсиз маҳсулот сотганлиги натижасида 128 миллон сўмга яқин асоссиз даромад олганлик ҳолатлари аниқланган.
Юқоридаги аниқланган ҳолатларга мувофиқ, ҳудудий бошқарма махсус комиссияси томонидан хизмат кўрсатувчи АЁҚШларга нисбатан “Истеъмолчилар ҳуқуқларини ҳимоя қилиш тўғрисида”ги қонун талаблари бузилиши аломатлари юзасидан Вазирлар Маҳкамасининг 225-сонли қарори билан тасдиқланган низомга мувофиқ ишлар қўзғатилиб, асоссиз олинган даромадни истеъмолчиларга қайтариш бўйича бажарилиши мажбурий бўлган кўрсатмалар берилган.
Изоҳ (0)