“Гремми” ҳақида гап кетганда, кўпчилик машҳур мусиқачилар, афсонавий ижрочилар ва хит қўшиқлар муаллифларини назарда тутади. Бироқ турли йилларда севимли ҳайкалчани нафақат мусиқа саноати юлдузлари, балки кутилмаган шахслар ҳам олишган. Нима учун улар мазкур нуфузли мукофотга сазовор бўлишгани ҳақида маълумот берамиз.
Мишел Обама
2020 йилда собиқ биринчи хоним ўзининг “Becoming. Менинг ҳикоям” китобининг аудио версияси туфайли “Гремми” мукофотини қўлга киритди. У “Энг яхши сўзлашув жанридаги альбом” номинациясида ғолиб бўлди.
Мартин Скорсезе
“Оскар” мукофотига сазовор бўлган режиссёр 2006 йилда “Орқага йўл йўқ: Боб Дилан” номли энг яхши мусиқий фильм учун тақдирланган.
Бредли Купер
Актёр Леди Гага билан Shallоw қўшиғини ижро этгач, у 2019 йилда дуэт ёки гуруҳнинг энг яхши поп ижроси учун мукофот олди. Кейинчалик “Юлдуз туғилди” фильми билан машҳур бўлган актёр фильм учун энг яхши саундтрек учун тақдирланди. Бироқ бу ҳали ҳаммаси эмас. 2025 йилда у худди шу номинацияда яна ғолиб бўлди, аммо бу сафар “Maэстрo” фильмининг режиссёри сифатида.
Стив Жобс
Ўзининг инновацион ишланмалари билан дунёга машҳур ихтирочи вафотидан сўнг 2012- йилда “Гремми” мукофоти билан тақдирланган.
Одри Хепберн
Кўпчилик билмайди, лекин 1994 йилда актриса ҳам “Гремми” мукофотига сазовор бўлган. У “Одри Хепберннинг сеҳрли эртаклари” аудиокитоби учун тақдирланади. Актриса “Болалар учун энг яхши сўзлашув жанридаги альбом” номинациясида ғолиб чиқди.
Барак Обама
“Гремми” мукофотининг кутилмаган лауреатлари рўйхатига ҳатто собиқ президент ҳам киритилган. 2006 ва 2007 йилларда “Отамнинг орзулари” ва “Умид жасорати” китобларининг аудио версиялари ўқувчиларга манзур бўлганидан сўнг “Энг яхши сўзлашув жанридаги альбом” номинациясида ғолиб чиққан.
Кейт Уинслет
1999 йилда актриса “Ҳикоячини тингланг” аудиокитоби билан “Болалар учун энг яхши сўзлашув альбоми” номинациясида ғолиб чиққан.
Хоакин Феникс
Санъаткор “Чегарани кесиб ўт” фильми билан “Визуал медиада энг яхши саундтрек” номинациясида ғолиб бўлган.
Изоҳ (0)