Зилзиладан кейин ёпилган Туркиянинг Искендерун портида юк контейнерлари ёниб кетди. Бу ҳақда “РИА Новости” хабар берди.
Порт зилзиладан жабр кўрган мамлакатнинг жануби-шарқида жойлашган. Искандерун порти вайрон бўлгани сабабли унинг фаолияти вақтинча тўхтатилганди. Маҳаллий ОАВ маълумотларига кўра, порт ҳудудидаги юклар солинган контейнерларда ёнғин келиб чиққан, у ҳали ўчирилмаган. Ёнғин сабаблари ҳозирча аниқланмаган.
Эслатиб ўтамиз, 6 февралга ўтар кечаси Туркиянинг Газиантеп шаҳри яқинида 7,5 магнитудали кучли зилзила содир бўлди. Ер силкинишлари яна бир қанча вилоятларда, шунингдек, Сурия ва Ливанда ҳам сезилган.
Сўнгги маълумотларга кўра, Туркияда зилзила қурбонлари сони 1 651 нафарга етди, жароҳатланганлар сони 11 119 нафарни ташкил қилмоқда. Сурияда эса 538 киши ҳалок бўлди.
Мавзуга доир: Охирги 100 йил ичида содир бўлган дунёдаги энг кучли 10 та зилзила (видео+фото)
Изоҳ (0)