Туркия жануби-шарқида ёнидан полиция машинаси ўтаётган автомобиль портлаб кетди, деб хабар берди мамлакат ички ишлар вазири Сулаймон Сойлу Twitter’да. CNN Turk ва НТВ телеканалларининг хабар беришича, портлаш оқибатида саккиз нафар полициячи яраланган.
Телеканал маълумотларига кўра, Диярбакир-Мардин трассасидаги бозор ёнида турган машина портлаган. Унинг яқинидан ўтаётган ва ичида полиция ходимлари бўлган микроавтобус ағдарилиб кетган, жароҳатланганлар шифохонага етказилган. Портлаш содир бўлган жойга ёнғин-қутқарув бўлинмаси, шифокорлар гуруҳи ва махсус кучлар жўнаб кетган. НТВънинг қайд этишича, портлаган машина миналанган бўлган.
Туркия ички ишлар вазири Сулаймон Сойлу портлаш икки гумондор ҳибсга олинганини қўшимча қилди.
Эслатиб ўтамиз, 13 ноябрь куни Истанбулдаги машҳур сайёҳлар кўчаси Истиқлолда портлаш содир бўлганди. Олти киши ҳалок бўлди, камида 81 киши, жумладан, бир ўзбекистонлик жароҳат олди. Истанбул Бош прокуратураси портлашни теракт сифатида баҳолади. Ҳодисада гумонланиб 50 киши қўлга олинди.
Изоҳ (0)