Жанубий Кореянинг Гвачхон шаҳридаги автомагистралда кучли ёнғин содир бўлди, деб ёзмоқда Sinxua агентлиги. Ҳодиса оқибатида камида 6 киши ҳалок бўлган.
Бундан ташқари 37 киши жароҳат олган, улардан 20 нафардан ортиғи газдан заҳарланиш билан касалхонага жўнатилган.
Дастлабки маълумотларга кўра, ёнғинга автобус ва юк машинасининг тўқнашуви сабаб бўлган. Воқеа жойига 50 га яқин ўт ўчириш машинаси ва техникаси, шунингдек, 140 га яқин ўт ўчирувчилар жўнатилган.
28 декабрь куни Хитойда қуюқ туман туфайли 200 дан ортиқ автомобиль тўқнашиб кетганди, камида бир киши ҳалок бўлган.
Изоҳ (0)