“Тақдир ҳазили”, “Кавказ асираси” каби совет фильмларида актёрлар афсонавий образлари учун қанча гонорар олган?

Совет кинолари ўз даврининг маданий мероси сифатида тарихда ўчмас из қолдирган. Улар халқ ҳаётини, ижтимоий қадриятларни ва инқилобий ғояларни ёритишда катта рол ўйнаган. СССРдаги актёрлар бугунги кундаги артистлар каби миллионлаб пул топишмаган, аммо уларнинг гонорари ўртачадан юқорироқ бўлган. Таққослаш учун, 60-70 йиллардаги муҳандис ойига тахминан 120-150 рубль (ҳозирги курс бўйича 15-18 минг сўм) топган.

Қуйида афсонавий совет актёрларининг машҳур фильмларда суратга тушиши учун қанча миқдорда гонорар олгани ҳақида маълумот берамиз.

“Кавказ асираси” (1967)

Юрий Никулин (Аҳмоқ) “Кавказ асираси”да суратга тушиш тахминан 5000 рубль (660 минг сўм) маош олган. Ўша давр учун бу жуда катта сумма эди.

Ушбу маблағга:

• Москвич-408 русумли автомашинани сотиб олиш;
• Бир неча йил давомида оилани озиқ-овқат билан таъминлаш;
• Кооператив квартира учун сармоя киритиш мумкин эди.

Александр Демяненко (Шурик) мазкур лойиҳада 2000 рубль (265 минг сўм) гонорар олган.

Бу пуллар қуйидагилар учун етарли эди:

• Нуфузли санаторияда дам олиш;
• Сифатли костюм ва пойабзаллар харид қилиш.

Наталя Варлей (Нина) эса 1500 рубль (200 минг сўм) даромад олган.

Карьерасини яқинда бошлаган актриса учун бу маблағ катта эди. Унга:

• Янги мебел тўпламини харид қилиш;
• Чет элга саёҳат қилиш (социалистик лагер мамлакатларига) мумкин бўлган.

Георгий Вицин (Қўрқоқ) 3000 рубль (400 минг сўм) ишлаган.

Бу пулга:

• Велосипед ёки спорт товарлар сотиб олиш;
• СССР курортларидан бирида дам олиш мумкин эди.

Евгений Моргунов (Барзанги) лойиҳадан 2500 рубль (335 минг сўм) даромад олган.

Актёрнинг Гайдай билан муносабатлари яхши бўлмаган. Доимий низолар туфайли Моргунов кўпинча суратга олиш майдонида ўз вақтида келмаган ва унинг ўрнига дублёр ишлаган. Унинг гонорарига:

• Сифатли чарм палто ёки костюм сотиб олиш;
• Кенг кўламли оилавий байрам — тўй маросимини ўтказиш мумкин бўлган.

“Иван Василевич касбини ўзгартиради” (1973)

Юрий Яковлев (Иван Грозний/Иван Бунша) 4000 рублга яқин (530 минг сўм) даромад олган.

Бу маблағ қуйидагилар учун етарли эди:

• “Ява” мототциклини харид қилиш;
• Янги далаҳовли сотиб қуриш;
• СССР бўйлаб саёҳат қилиш.

Леонид Куравлёв (Жорж Милославский) тахминан 3000 рубль (400 минг сўм) гонорар олган.

Ушбу миқдордаги пулга:

• Маиший техника, масалан, телевизор ва музлатгич сотиб олиш;
• Сочи ёки Қрим каби СССРнинг машҳур курортларига саёҳат қилиш;
• Кичик уй қуриш мумкин бўлган.

Наталя Селезнёва (Зина) мазкур фильмда 2000 рубль (265 минг сўм) ишлаб олган.

Бу пулга:

• Тилла тақинчоқлар ёки қимматбаҳо соатлар харид қилиш;
• Дабдабали байрам, масалан, тўй ўтказиш;
• Бутун оила аъзолари билан санаториялардан бирида дам олиш мумкин бўлган.

Александр Демяненко (Шурик) 2500 рубль (235 минг сўм) миқдорда гонорар олган.

Бу пул:

• Уйнинг ички қисмини таъмирдан ўтказиш;
• Янги костюм ва оёқ кийим сотиб олиш;
• Қора денгиз курортларидан бирида дам олиш имконини берган.

“Тақдир ҳазили ёки қушдек енгил бўлинг” (1975)

Андрей Мягков (Женя Лукашин) 3500 рубль даромад олган.

Бу пулга у:

• Бутун оила аъзолари учун қишки кийимларни сотиб олиш;
• Волга бўйлаб қайиқда саёҳат қилиш;
• Квартиранинг ички қисмини таъмирлаш ва янги мебеллар харид қилиши мумкин бўлган.

Барбара Брилска (Надя Шевелева) 4000 рубль (460 минг сўм) ишлаб олган.

У чет эллик актриса сифатида СССРдан ташқарида ҳам яшаган, кинода олган гонорар қиймати эса хорижда бошқача бўлган. Бу пулга:

• Бир нечта маиший техникани сотиб олиш;
• Камёб матолардан тикилган бир нечта замонавий либосларни тиктириш;
• Таътилини ҳашаматли дам олиш жойларида ўтказиш имкони бўлган.

Юрий Яковлев (Ипполит) 2500 рублга яқин (235 минг сўм) даромад олган.

Бу пул билан у:

• Квартирасини тўлиқ таъмирлаш;
• Оилавий байрамни ташкил қилиш;
• Пианино каби мусиқа асбобини харид қилиши мумкин эди.