Битта ҳам хатога йўл қўймаган ҳолда фильм яратиш жуда қийин вазифа. Шундай фильмлар борки, қайта-қайта кўрсангиз ҳам сюжети қизиқлигидан бундай камчиликларни пайқамай қоласиз.
“Бриллиант қўл”, 1968 йил
Козодоевнинг Горбунковлар оиласини музқаймоқ билан меҳмон қилгани ва гуллар бергани афсонавий саҳна. Кадр бошида Геннадий 2 та қизил атиргул ва 2 та музқаймоқ олиб келади. Аммо бир оздан сўнг атиргулларга яна бир оқ атиргул қўшилгани ва музқаймоқ аллақачон идишларда эканлиги маълум бўлади.
“I операцияси ва Шурикнинг бошқа саргузаштлари”, 1965 йил
Фильм бошида Шурик ёмғир остида шалаббо бўлади. Аммо бир неча дақиқадан сўнг у автобусга чиққанида, сочлари бутунлай қуруқ, кўйлагида эса озгина ёмғир излари бор холос.
“Икки кишилик вокзал”, 1982 йил
Вера ва Платон столда гаплашмоқда. Эътибор беринг, кадр алмашганда столдаги нарсалар жойи ҳам ўзгаради.
“Кавказ асираси ёки Шурикнинг янги саргузаштлари”, 1967 йил
Юзига ниқоб тақилган Эдик шприцни суғуриб олмоқчи бўлиб, қўлларига тупуради.
“Иван Василевич ўз касбини ўзгартиради”, 1973 йил
Иван Грознийнинг хизматкорлари сохта подшоҳни фош қилган ва овқат отиш бошланган пайтни эслайсизми? Шундай қилиб, идиш-товоқ ҳам, дастурхондаги овқатлар ҳам улоқтирилади. Аммо бир оздан кейин худди шу хона кўрсатилганда, у деярли топ-тоза бўлади, стуллар ҳам қаёққадир йўқолади.
“Ишдаги ишқ”, 1977 йил
Верочканинг маникюрига қаранг. Людмила Прокофевна ундан кийиниш бўйича маслаҳат сўраганида, тирноқларига қизил лак суртилгани аниқ кўриниб туради. Аммо улар бир оздан кейин мажлислар залига ўтишганда, котибанинг тирноқларида марваридранг лакни кўриш мумкин.
Шунингдек, Новоселцев Калугинани қабул қилишини кутаётганда котиба жигарранг папка билан бошлиқнинг кабинетига киради. Ичкарига киргач, унинг қўлида ҳеч нарса йўқлиги аниқ кўринади. Аммо у яна жигарранг папка билан чиқиб кетади.
Новоселцев бошлиғига яширинча берадиган гулдаста ҳам ўзгариб туради. Аввалига гуллар Прокофевнанинг иш кабинетида туради. Кейинчалик Калугинанинг уйида худди шу гулдастани кўрамиз. Гулларни ишхонасидан олиб келган, дейишингиз мумкин. Аммо эртаси куни гулдаста яна унинг кабинетида пайдо бўлиб қолади.
Изоҳ (0)