Вицин, Андрей Миронов, Наталья Варлей — бир-бирини такрорламайдиган образларни маҳорат билан ижро этган Совет даври актёрлари (фото)

Истеъдоди ва исталган ролни қойилмақом ижро қилиши билан ҳам яхши маълум бўлган актрисалар ҳақида маълумот бериб ўтамиз.

Инна Чурикова

1964 йилда суратга олинган «Аёз бобо» фильмидаги Марфуша қаҳрамони Инна Чурикованинг илк жиддий ролларидан бири бўлган. Кейинчалик у Глебан Панфилов ва Марк Захаров томонидан суратга олинган фильмларда роль ижро қилган.

Юрий Яковлев

«Телба» фильмида бош қаҳрамон ролини ижро қилган Юрий орадан 15 йил ўтиб «Иван Василевич касбини ўзгартиради» фильмида суратга тушган. «Тақдир ҳазили ёки қушдай енгил бўлинг»ни актёр арсеналидаги энг яхши фильм деса бўлади.

Алиса Фрейндлих

27 ёшида Владимир Фетин томонидан суратга олинган фильмда цирк ошхонаси ходими ролини ижро қилган актриса 43 ёшида «Ишдаги ишқ»да бош қаҳрамонни гавдалантирган. Шунингдек, «Дартанян ва уч мушкетёр» фильмида қиролича Анна, 52 ёшида эса «Қор маликасининг сири» фильмида қор маликасини гавдалантирган.

Георгий Вицин

«Захирадаги ўйинчи» (1954) фильмида маҳоратли футболчи ролини ижро қилган Вицин «Максим перепелица»да кекса отахонни гавдалантирган. 1962 йилда «Самогончи» 1964 йилда эса 1964 йилда «Бальзаминованинг турмуши» сингари фильмларда суратга тушган.

Людмила Гурченко

Эльдар Рязановнинг «Карнавал кечаси»да бош қаҳрамонни гавдалантирган Людмила 1964 йилда «Бальзаминованинг турмуши»да рол ижро қилган. 1984 йилдаги «Севги ва кабутарлар» фильми эса унинг иштирокидаги энг яхши фильмлардан саналади.

Андрей Миронов

«Бриллант қўл»да суратга тушган Андрей 6 йил ўтиб «Лев Гурич Синичкин»да дрижёр ролини ижро қилган. «Печорина журнали саҳифаларида» фильмидаги ижросини эса ўзига хослигини таъкидламай илож йўқ.

Светлана Крючкова

25 ёшида «Бўлиши мумкин эмас» номли фильмида Зиночка ролини ижро қилган Крючкина 3 йилдан кейин «Номсиз юлдуз»да мадмуазел Кукуни гавдалантирган.

Наталья Варлей

19 ёшида «Кавказ асираси»да бош роль ижро қилган Наталя бир йилдан кейин «Вий» фильмида суратга тушган. 37 ёшида «Келажакдан меҳмон»да тренер, 59 ёшида Николай Лебедовнинг фильмида суратга тушган.

Ирина Купченко

«Оддий мўъжиза» фильмидаги сеҳргар образи 1969 йилдан суратга тушишни бошлаган Иринанинг арсеналидаги энг яхши роллардан бири бўлган. Кейинчалик актриса «Шерлок Холмс ва доктор Ватсоннинг саргузаштлари» (1981), шунингдек, «Флейта учун унутилган мусиқа» (19817) сингари фильмлар билан бирга «Николай Вавилов» (1990)да суратга тушган.

Надежда Румянцева

Румянцева 30 дан ортиқ комедия жанридаги фильмларда суратга тушган. «Бальзаминованинг турмуши», «Осон ҳаёт», «Ҳаммага маълум сир» сингари фильмлар шулар жумласидан.

Олег Табаков

1973 йилда «Баҳорнинг 17 лаҳзаси» номли фильмда суратга тушган актёр 1979 йилда «Дартанян ва уч мушкетёр»да, «И.И.Обломовнинг ҳаётидан бир неча кун», «Кўришгунча хайр, Мери Поппинс» сингари фильмларда роль ижро қилган.

Екатерина Василёва

«Бунбараш»даги ижроси мухлислар қалбидан жой олган актриса кейинроқ «Мен эслаган ва севган инсонлар ҳақида» номли фильмида суратга тушган. 1975 йилда Наум Бирман томонидан суратга олинган фильмда эса Андрей Миронов билан эр-хотин ролини гавдалантирган. 1982 йилда бўлса «Афсунгар» фильмида сеҳргар ролини ўйнаган.