Совет киносининг энг гўзал беш актрисаси ҳозир қандай кўринишда? (фото)

Рус кинематографиясининг энг гўзал ва маҳоратли актрисалари орадан йиллар ўтган бўлишига қарамай ўз кўринишини сақлаб қолган. Аммо улар машҳурликка эришганидан кейин деярли бошқа фильмлардаги роли билан муваффақият қозонмаган. Улар томошабинлар кўнглидан фақат биргина машҳур қилган образи билан жой олган.

Барбара Брильска — 79 ёш

Польшалик актриса Барбара «Тақдир ҳазили ёхуд қушдек енгил бўлинг» романтик комедиясида рус тили ва адабиёт ўқитувчиси Надя Шевелёва роли билан машҳурликка эришган. Айнан ушбу фильм учун актриса давлат мукофотига сазовор бўлган, аммо кейинчалик унинг карьерасида ўсиш кузатилмаган. У шахсий ҳаётида ҳам қийинчиликларга дуч келган. Уч маротаба турмуш қурган актрисанинг қизи ва ўғли ёшлигида фожиали тарзда вафот этган.

Наталья Варлей — 72 ёш

53 йил аввал Леонид Гайдайнинг «Кавказ асираси» фильми намойишидан сўнг Наталья машҳур актрисага айланди. Аммо Наталья ҳам кейинчалик бундай муваффақиятга олиб борувчи фильмда иштирок этмади. Оила борасида икки маротаба турмуш қурган. Унинг ҳозирда икки ўғли бор.

Анастасия Вертинская — 75 ёш

Ушбу актрисанинг карьераси чиндан ҳам бир қанча машҳур фильмларга бой. Масалан, «Алвон елканлар», «Амфибия-одам» «Гамлет», «Уруш ва тинчлик» ва «Анна Каренина» кабилар. 2000 йилларнинг бошида актриса карьерасини тугатишга қарор қилган ва кейинчалик бу қарор унга катта енгиллик келтирганини ҳам маълум қилган: «Ва ниҳоят экран ва саҳналарда ҳеч кимга кўринмасдан, ташвишларсиз яшаш мумкинлигини англадим. Ва бунинг ҳеч қандай қўрқинчли жойи йўқ». Анастасия икки маротаба турмуш қурган ва режиссёр Никита Михалковдан Степан исмли ўғли бор.

Светлана Светличная — 80 ёш

Светланага айнан Леонид Гайдайнинг «Бриллиант қўл» фильмидаги роли машҳурлик келтирган. Актриса ушбу фильм намойишидан сўнг бир неча мукофотларга сазовор бўлса-да, экранларда кўп кўриниш бермаган. Баъзида маҳаллий телекўрсатувлар ва фильмларда эпизод ролларни ижро этган. У икки маротаба оила қурган ва икки нафар ўғли бор.

Наталья Фатеева — 85 ёш

Наталья «Икки қўшув уч», «Дон-Кихотнинг болалари» ва «Учрашув жойини ўзгартириш мумкин эмас» фильмидаги роллари билан танилган. Актриса кейин ҳам фаол суратга тушишда ва асосий ролларни ижро этишда давом этган. Шунингдек, чет эл фильмларининг дубляжида ҳам иштирок этган — унинг ҳисобида 30 дан ортиқ овозли фильмлар мавжуд. Ҳозирда актриса оилавий муаммолар туфайли қизи ва ўғли билан алоқани узган.