Гайдай 50 йилларда фильмлар суратга олишни бошлаган, аммо режиссёрликдаги муваффақияти олтмишинчи ва етмишинчи йилларга тўғри келган. Леонид Гайдай бутун умри давомида атиги 20 та фильм суратга олган, аммо уларнинг деярли ярми совет киносининг олтин фондига кирган.
«I» операцияси ва Шурикнинг бошқа саргузаштлари»
1965 йил
- Гайдайнинг ушбу картинасини ишонч билан фильмлари ичида энг машҳури деб аташ мумкин — 1965 йилда у прокат фильмлар етакчисига айланди ва фильм қаҳрамонлари томошабинлар қалбига абадий сингиб кетди.
- Дастлаб сценарий «Жиддий эмас» ёки «Қизиқарли ҳикоялар» деб номланган, аммо бадиий раҳбар Иван Пирев «I операцияси» номини таклиф қилганда ҳаммага ёқади, ҳеч ким эътироз билдирмайди ҳам.
- Аввалига Шурикнинг исми Владик — Владлен Арков бўлган. Аммо персонаж кулгили бўлганлиги сабабли у пролетариат раҳбари номига мос тушмайди, шунчаки Шурик деб аталади.
- Бадиий кенгаш фильмнинг катта прокатга чиқишига рухсат бермайди, уни 2-тоифага киритишади. Шунингдек, Давангир Шурикни қурилиш майдончаси атрофида қувадиган саҳна бемаъни ва ортиқча деб топилади. Ушбу кадрни Пирев ва «Мосфильм» директори Сурин сақлаб қолади ва фильмни 1-тоифали фильм сифатида экранларга чиқаришади.
1967 йил
- Дастлаб «Кавказ асираси» фильмини намойиш қилиш тақиқланади, лекин фильм тасодифан Леонид Брежневгача етиб боради. Брежнев уни бир неча марта томоша қилади ва прокатга чиқаришга рухсат беради.
- Шундай қилиб, «Кавказ асираси» прокат бўйича СССРда тўртинчи ўринни эгаллайди.
- Нина роли учун Наталя Кустинская, Наталя Селезнёва, Марианна Вертинская ва Лариса Голубкина синов топширади. Аммо улар Наталя Варлейда тўхташади — цирк артисти, бўйи 1,5 м, канатда юра оладиган Наталя Варлей фильмдаги барча трюкларни ўзи ижро этган. Аммо унга Надежда Румянсева овоз берган, қўшиқни эса Аида Ведишева куйлаган.
- Афсонавий «учлик» — Вицин, Никулин, Моргуновнинг муносабатлари таранг эди. Актёрлар бир-бирлари билан келишолмасдилар, Никулин узоқ вақт суратга тушишдан бош тортади, фильмдаги «ажралмас дўстлар» суратга олиш майдончасидаёқ жанжаллашиб кетарди. Кейинчалик Моргунов фильм охиригача ўйнашдан бош тортади, натижада актёр ўйнаган саҳналарнинг бир қисмини кесиб ташлашга тўғри келади. Фильм сўнгида унинг ролини каскадёр ўйнайди.
1968 йил
- Камида 40 та тузатиш киритилган сценарий таҳриридан сўнг «Госкино» КГБ назоратчисини Гайдай кетидан юборади. У суратга олиш жараёнини кузатиши ва сценарийда кўрсатилмаган бирор нарса бўлса, хабар бериши керак эди.
- Светлана Светличная ижро этган эпизод олиб ташланиш учун биринчи номзод бўлади — цензура уни жуда очиқ саҳна деб изоҳлайди. Ушбу машҳур саҳна расман совет киносидаги биринчи очиқ саҳна ҳисобланади. Ва умуман олганда, Гайдай совет томошабинларига капитализмнинг бир қисмини кўрсатганди: шароб, рақс, аёллар ва бошқалар.
- Намунали оила бошлиғи Семён Горбунков роли Никулин учун махсус ёзилган. Бундан ташқари, унинг оиласи фильмда рол ўйнашга муваффақ бўлади: Никулиннинг рафиқаси сайёҳлар гуруҳининг раҳбари, ўғли Максим эса оролда Андрей Миронов кўрган тўр ушлаб олган бола ролида кўриниш берган.
- Асосий саҳналардан бирида, қаҳрамон йиқилиб, «Жин урсин» дейиши керак бўлганда Никулин айтилганидек йиқила олмайди. Кейин Леонид Каньевский унинг ўрнига йиқилади ва биринчи кадрдаёқ ҳаммасини тўғри бажаради.
- Андрей Миронов лабиринтга ўхшаш тор кўчаларда адашиб қолган эски Истанбул саҳналари Бокуда даҳшатли жазирамада суратга олинган. Миронов оқ водолазка ва синтетик костюмда бўлган. Шундан кейин актёрнинг экземаси кўпайиб кетади, доимий грим ҳам вазиятни янада ёмонлаштиради.
- «Брилллиант қўл» фильми томошабинлар сони бўйича «Кавказ асираси» фильмини ортда қолдиради ва энг кўп даромад келтирган совет фильмлари бешлигига киради.
1973 йил
- «Иван Василевич» фильми ҳам икки марта цензурадан ўтказилмайди: бадиий кенгаш режиссёрдан суратга олинган 177 метрлик кадрларни кесиб ташлашни талаб қилади. Ҳаммадан ҳам «Госкино» бош муҳарририга Гайдайнинг Иван Грознийни аҳмоқ қилиб тасвирлагани мутлақо ёқмайди.
- Дастлаб Иван Грозний ва уй бошқарувчиси Бунша ролларини Гайдайнинг севимли актёри Юрий Никулин ўйнаши керак бўлган, лекин у бу ролларни рад этади, чунки бундай сюжетли фильмни бадиий кенгаш ўтказмаслигига шубҳа ҳам қилмаганди.
- Айтишларича, ўша даврдаги аксарият фильмлардан фарқли ўлароқ, картинадаги овқатлар ҳақиқий бўлган. Одатда совет давридаги фильмларда бўлгани каби маҳсулотлар сохта нарсаларга алмаштирилмайди, натижада шоҳона тушлик саҳнаси 200 рублга тушади.
- Гайдайга машҳур комедия учун 5948 рубль тўланган, 2000 рубль сценарий учун берилган. Юрий Яковлев 4350 рубль, Леонид Куравлёв эса 2312 рубль олади.
Изоҳ (0)