Совет киносидан турли хил персонажлар бисёр. Унда ёмон ёки яхши образларни ҳам, нейтрал ёки зиддиятли қаҳрамонларни ҳам кўриш мумкин. Ҳар бирининг ўзига хос характери ва мақтовга лойиқ вазифаси бор. Одатда томошабинлар эътиборини биринчи даражали қаҳрамонлар жалб қилиши аниқ, лекин доим ҳам бундай бўлмайди. Айрим иккинчи даражали рол соҳиблари бош қаҳрамондан ҳам кўра кўпроқ томошабинлар эътиборини тортади.
Кошей — «Қизил қор ёғганда»
«Қизил қор ёғганда» — болалигида алмашиб қолган шаҳзода Иван ҳақидаги ажойиб эртак. Шубҳасиз, Иван келишган қаҳрамон бўлгани учун бош рол орқали томошабинлар қалбини забт этиши керак эди. Бироқ, шарҳларга кўра, энг кулгили қаҳрамон — ўлмас Кошей бунга эришди. Томошабинларнинг таъкидлашича, Олег Табаков Кошей ролини ўзига хос тарзда ижро этган. Қаҳрамоннинг сўзлари ҳаттоки бир зумда ситата даражасига кўтарилган.
Саахов — «Кавказ асираси»
Ҳамма учун севимли Шурикнинг истеъдодига шубҳа қилиб бўлмайди, лекин у фильмда эътиборга тушган ягона одам эмас эди. Владимир Этушнинг Саахов образи алоҳида таҳсинга лойиқ. Гарчи кинотанқидчилар актёр ижроси бўйича турли хил фикрлар билдирган бўлса-да, бу унинг муваффақиятига тўсқинлик қилмади.
Верочка — «Ишдаги ишқ»
«Ишдаги ишқ» замонавий аёл қаҳрамонлар ва тасвирларга бой. Аммо Лия Ахежакованинг қаҳрамони Верочка кўплаб совет аёллари учун ҳақиқий мода илҳомига айланди.
Жорж Милославский — «Иван Василевич касбини ўзгартиради»
Ушбу картинада бош қаҳрамонни алоҳида ажратиб кўрсатиш қийин, лекин кўпроқ Иван Василевичнинг ўзи деб қаралади. Шунингдек, томошабинлар айёр, аммо келишган Жорж Милославскийни энг таниқли қаҳрамонлардан бири деб билади. Айниқса, кўпчилик картинадаги деярли барча машҳур иборалар Милославскийга тегишли эканлигини таъкидлайди.
Марфуша — «Аёзбобо»
Настенка — мулойимлик, назокат ва гўзаллик намунаси. Бутун фильм давомида қиз ўзини камтарона, ширинсухан тутади, эртак охирида куёв ва бойлик унга насиб қилади. Аммо унга қарши қаҳрамон — Инна Чурикова томонидан ижро этилган инжиқ Марфуша, баъзи томошабинларнинг фикрига кўра, анча ёрқинроқ характердир. Айтганча, ушбу роли учун Чурикова Чехия элчиси Ярослав Баштанинг «Масарик» медали билан тақдирланган.
Ипполит — «Тақдир ҳазили ёки қушдек енгил бўлинг»
Лукашиндан фарқли ўлароқ, Ипполит салбий характер сифатида яратилган, аммо охир-оқибат томошабинларда тушунарсиз ҳис-туйғуларни уйғотган. Характер ҳамдардлик Юрий Яковлевнинг ажойиб ижроси асосида ҳам намоён бўлади. Шунингдек, унинг ҳам сўзлари кино ихлосмандлари орасида жуда машҳур.
Изоҳ (0)