Россия мудофаа вазири Андрей Белоусов 21 январь куни ташриф билан Тошкентга келгани маълум бўлди. Бу ҳақда Россия Мудофаа вазирлиги хабар берди.
Белоусов ўзбекистонлик ҳамкасби, генерал майор Шуҳрат Холмуҳамедов ҳамда ҳарбий-сиёсий раҳбарияти билан музокаралар ўтказади. У Марказий Осиё минтақасида хавфсизликни таъминлаш, шунингдек, Россия ва Ўзбекистон ўртасидаги ҳарбий ҳамда ҳарбий-техник ҳамкорликни муҳокама қилади.
Сергей Шойгу 12 май куни мудофаа вазири лавозимидан озод этилиб, Россия Хавфсизлик кенгаши котиби этиб тайинланди. Ўша куни Путин мудофаа вазири лавозимига иқтисодчи Андрей Белоусов номзодини таклиф қилди. Белоусов сўнгги 12 йил давомида иқтисодиёт вазири, президент ёрдамчиси ва бош вазирнинг биринчи ўринбосари лавозимларида ишлаган. У 1959 йил 17 мартда туғилган, 1981 йилда Москва давлат университетининг иқтисод факультетини имтиёзли диплом билан тамомлаган.
Изоҳ (0)