Россия президенти Владимир Путин ўз қариндошини мудофаа вазири ўринбосари лавозимига тайинлади, деб хабар бермоқда Deutsche Welle. Анна Сивилёванинг тайинловига оид фармон 17 июнь куни ҳуқуқий ахборот порталига жойлаштирилган.
Бошқа бир фармон билан эса мудофаа вазири ўринбосари этиб Павел Фрадков — 2004-2007 йилларда Россия ҳукуматига раҳбарлик қилган Михаил Фрадковнинг ўғли тайинланган. Кичик Фрадков Россия президенти ишлаш бошқармасининг биринчи ўринбосари лавозимида фаолият юритган. Мудофаа вазирининг биринчи ўринбосари лавозимига эса Леонид Горнин тайинланган.
Шу билан бирга Россия мудофаа вазирининг ўринбосарлари Руслан Саликов, Николай Панков, Татьяна Швецова ва Павел Попов лавозимдан олинган. 14 май куни Россия президенти ҳукуматнинг янги таркибини тайинлаш ҳақидаги фармонни имзолади ва Андрей Белоусов мудофаа вазири этиб тайинланган эди.
Анна Сивилёва — Россия энергетика вазири Сергей Сивилёвнинг рафиқаси. ОАВда Сивилёванинг Путин билан эҳтимолий қариндошлик алоқалари ҳақида кўп марта ёзилган: журналистлар маълумотларига кўра, у президентнинг ота томондан жияни (амакиваччасининг фарзанди) ҳисобланади.
Изоҳ (0)