Rossiya mudofaa vaziri Andrey Belousov 21-yanvar kuni tashrif bilan Toshkentga kelgani ma’lum bo‘ldi. Bu haqda Rossiya Mudofaa vazirligi xabar berdi.
Belousov o‘zbekistonlik hamkasbi, general-mayor Shuhrat Xolmuhamedov hamda harbiy-siyosiy rahbariyati bilan muzokaralar o‘tkazadi. U Markaziy Osiyo mintaqasida xavfsizlikni ta’minlash, shuningdek, Rossiya va O‘zbekiston o‘rtasidagi harbiy hamda harbiy-texnik hamkorlikni muhokama qiladi.
Sergey Shoygu 12-may kuni mudofaa vaziri lavozimidan ozod etilib, Rossiya Xavfsizlik kengashi kotibi etib tayinlandi. O‘sha kuni Putin mudofaa vaziri lavozimiga iqtisodchi Andrey Belousov nomzodini taklif qildi. Belousov so‘nggi 12 yil davomida iqtisodiyot vaziri, prezident yordamchisi va bosh vazirning birinchi o‘rinbosari lavozimlarida ishlagan. U 1959-yil 17-martda tug‘ilgan, 1981-yilda Moskva davlat universitetining iqtisod fakultetini imtiyozli diplom bilan tamomlagan.
Izoh (0)