Халқаро жиноий суднинг (ХЖС) Иккинчи судгача палатаси Россия собиқ мудофаа вазири Сергей Шойгу ва Бош штаб раҳбари Валерий Герасимовни ҳибсга олишга ордер берди.
Суд матбуот баёнотида айтилишича, ордерлар “Украинадаги вазият доирасида камида 2022 йил 10 октябрдан 2023 йил 9 мартгача содир этилган халқаро жиноятлар учун берилган.
Шойгу ва Герасимов фуқаролик объектларини нишонга олиш, тинч аҳоли ва фуқаролик объектларига ҳаддан ташқари кўп зарар етказиш ва инсониятга қарши ғайриинсоний хатти-ҳаракатлар учун жавобгардирлар, — деб таъкидлаган ХЖС.
Пресс-релизда, шунингдек, улар биргаликда ва/ёки бошқалар орқали қилмишларни содир этгани, жиноят содир этишга буйруқ бергани ва (ёки) ўз қўмондонлигидаги кучлар устидан тегишли назоратни амалга оширмагани учун юқорида қайд этилган жиноятлар учун якка тартибда жиноий жавобгарликка тортилишига асослар мавжудлиги айтилган.
Халқаро жиноий суд, хусусан, Украинанинг электр энергетика инфратузилмаси ва бошқа фуқаролик объектларига ракета ҳужумларини шу каби жиноятлар қаторига киритган. Ҳисоботда таъкидланишича, бундай ордерларнинг мазмуни одатда гувоҳларни ҳимоя қилиш ва тергов хавфсизлигини таъминлаш учун сир бўлиб қолади. Бироқ Россиядан бундай ҳужумлар давом этаётганини инобатга олган ҳолда, суд оммани ҳибсга олиш ордеридан хабардор қилиш кейинги жиноятларнинг олдини олишга ёрдам беради, деб ҳисоблаган.
- Россия президенти Владимир Путин май ойида Сергей Шойгуни мудофаа вазири лавозимидан озод қилган эди. Унинг ўрнини иқтисодчи Андрей Белоусов эгаллаган.
Изоҳ (0)