Мудофаа вазири ўзгарди: Путин ҳукуматининг янги таркибини тасдиқлади

Россия президенти Владимир Путин ҳукуматнинг янги таркибини тайинлаш ҳақидаги фармонни имзолади. Бу ҳақда Кремль сайтида хабар берилди.

Биринчи марта Россия ҳукумати 2020 йилда конституцияга киритилган ўзгартириш асосида янги тартиб бўйича тузилди. Барча номзодлар аввалроқ парламент томонидан кўриб чиқилиб, маъқулланган. Бундан ташқари, номзодлар Давлат думаси ёки Федерация кенгаши томонидан маъқуллангач, Путин уларни лавозимларга тайинлашни рад эта олмаган.

Ҳукумат таркибига унинг раҳбаридан ташқари 10 нафар бош вазир ўринбосари ва 21 нафар вазир киради. Вазирликлар сони ва номи аввалги таркибга нисбатан ўзгармаган. Бешта вазир бевосита президентга ҳисобот беради: булар Ички ишлар вазирлиги, Ташқи ишлар вазирлиги, Мудофаа вазирлиги, Фавқулодда вазиятлар вазирлиги ва Адлия вазирлиги раҳбарлари. Қолганларининг фаолиятига ҳукумат раиси раҳбарлик қилади.

Путин фармони билан Андрей Белоусов мудофаа вазири этиб тайинланди. Янги ҳукуматдаги энг ёш вазир Саноат ва савдо вазирлиги раҳбари Антон Алихонов бўлди, у 37 ёшда. Энг кексаси эса 74 ёшли ташқи ишлар вазири Сергей Лавров. Шунингдек, у ҳукуматдаги энг узоқ иш тажрибасига эга, жумладан, Лавров 20 йилдан ортиқ ташқи ишлар вазири лавозимини эгаллаб келмоқда. Россиянинг янги ҳукумати аъзоларининг ўртача ёши 53 ёшни ташкил этади.

Вазирлар:

1. Мудофаа вазири — Андрей Белоусов
2. Ташқи ишлар вазири — Сергей Лавров
3. Ички ишлар вазири — Владимир Колоколцев
4. Фавқулодда вазиятлар вазири — Александр Куренков
5. Адлия вазири — Константин Чуйченко
6. Саноат ва савдо вазири — Антон Алиханов,
7. Спорт вазири — Михаил Дегтярев
8. Транспорт вазири — Роман Старовойт
9. Энергетика вазири — Сергей Цивилев
10. Табиий ресурслар вазири — Александр Козлов
11. Меҳнат ва аҳолини ижтимоий муҳофаза қилиш вазири — Антон Котяков
12. Таълим вазири — Сергей Кравцов
13. Қишлоқ хўжалиги вазири — Оксана Лут
14. Маданият вазири — Олга Любимова
15. Соғлиқни сақлаш вазири — Михаил Мурашко
16. Иқтисодий ривожланиш вазири — Максим Решетников
17. Молия вазири — Антон Силуанов
18. Қурилиш вазири — Ирек Файзуллин
19. Фан ва олий таълим вазири — Валерий Фальков
20. Узоқ Шарқ ва Арктикани ривожлантириш вазири — Алексей Чекунков
21. Рақамли ривожланиш вазир — Мақсут Шадаев.

Шунингдек, Сергей Наришкин Ташқи разведка хизмати директори, Александр Бортник Федерал хавфсизлик хизмати директори этиб тайинланди. Виктор Золотов Россия гвардиясини, Дмитрий Кочнев эса Федерал қўриқлаш хизматини бошқаради.