Россия президенти Владимир Путин 15 май куни ҳарбий округлар қўмондонлари билан учрашув ўтказди, унда Россия Хавфсизлик кенгаши котиби Сергей Шойгу ва мудофаа вазири Андрей Белоусов иштирок этди. Бу ҳақда Кремль хабар берди.
Путиннинг таъкидлашича, Белоусовнинг мудофаа вазири этиб тайинланиши мудофаа харажатларининг ошиши билан боғлиқ. У янги вазир армия иқтисодиётини мамлакатнинг умумий иқтисодиётига “мослаштира олиши”ни айтди. Россия президенти шахсий кўрсатмаси бўйича Белоусов иккиламчи мақсадли ишланмаларга, жумладан, дронларни ишлаб чиқаришни ривожлантиришга эътибор қаратганини таъкидлади.
Бу ниҳоятда муҳим нарса. Айтмоқчиманки, бу саноатни инновацион ривожлантириш, иқтисодиёт ва бюджет имкониятларини ҳисобга олиш билан боғлиқ, – деди у.
Путиннинг қўшимча қилишича, Бош штабда “ҳеч қандай ўзгаришлар йўқ ва режалаштирилмаган”.
Жанговар блок иши йўлга қўйилган, у ритмик фаолият юритмоқда ва муваффақиятли ишлайди. Бунда ҳеч қандай ўзгаришлар режалаштирилмаяпти, — деди Россия президенти.
У 12 май куни Сергей Шойгуни мудофаа вазири лавозимидан озод этиб, Россия Хавфсизлик кенгаши котиби этиб тайинлади. Ўша куни Путин мудофаа вазири лавозимига иқтисодчи Андрей Белоусов номзодини таклиф қилди.
Шойгу ўзининг янги лавозимида президент ҳузурида фаолият юритувчи ҳарбий-саноат комплекси комиссиясини ҳам бошқаради ва Хорижий давлатлар билан ҳамкорлик бўйича федерал хизмат ишини ташкил қилади, — деди Путин.
- 14 май куни Россия президенти ҳукуматнинг янги таркибини тайинлаш ҳақидаги фармонни имзолади ва Андрей Белоусов мудофаа вазири этиб тайинланди.
- У 1959 йил 17 мартда туғилган, 1981 йилда Москва давлат университетининг иқтисод факультетини имтиёзли диплом билан тамомлаган.
- Белоусов сўнгги 12 йил давомида иқтисодиёт вазири, президент ёрдамчиси ва бош вазирнинг биринчи ўринбосари лавозимларида ишлаган.
Изоҳ (0)