Америкалик актёрлар Бред Питт ва Анжелина Жоли ажрашиш тўғрисидаги ҳужжатни 30 декабрь куни имзолашди, деб ёзмоқда People нашри.
“Бу саккиз йил аввал бошланган узоқ жараённинг фақат бир қисми. Ростини айтсам, Анжелина чарчаган, аммо жараённинг мазкур қисми якунига етганидан хурсанд”, дея таъкидлаган актрисанинг адвокати Жеймс Саймон.
Бред Питт ва Анжелина Жоли 10 йил давом этган муносабатлардан сўнг, 2014 йили Францияда турмуш қуришади, бироқ 2016 йилда актриса ажрашиш учун ариза беради. Уларнинг никоҳи 2019 йилда қонуний равишда бекор қилинган бўлса-да, мол-мулкни тақсимлаш ва олти нафар фарзанднинг васийлик масаласини ҳал қилиш жараёни давом этаётган эди.
Associated Press жараённи якунлаш учун суд эришилган келишувни тасдиқлаши кераклигини эслатган. Қайд этиш керакки, актёрлар ўртасидаги келишув шартлари очиқланмаган.
Изоҳ (0)