Фарзанд тарбияси жуда мураккаб ва масъулиятли иш. Айниқса эгиз фарзандлар парвариши билан шуғулланиш катта меҳнат талаб этади. Баъзи машҳурлар эгизакларни табиий равишда дунёга келтирган, бошқалар эса суррогат оналик хизматидан фойдаланган. Ҳар қандай ҳолатда ҳам юлдузларнинг ўз фарзандларига бўлган меҳри чексиздир. Қуйида эгизак болалар тарбияси билан шуғулланиб келаётган машҳурлар билан танишамиз.
Жулиа Робертс ва Дениель Модер
Актриса 2002 йилда америкалик кинематограф Дэниель Ричард Модерга турмушга чиқди. Икки йил ўтгач, оилада Ҳазел ва Финни исмли эгизак фарзандлар туғилди. Болалар ҳомиладорликнинг саккизинчи ойида дунёга келган, туғуруқ жараёнлари эса асоратсиз кечган.
Женнифер Лопес ва Марк Энтони
Женнифер Лопес ва Марк Энтони 2011 йилда эгизак қизлар — Эмма ва Максимилианнинг ота-онаси бўлишди. Орадан уч йил ўтиб юлдузли жуфтлик ажрашди, аммо улар фарзандлари учун илиқ муносабатларни сақлаб қолди.
Анжелина Жоли ва Брэд Питт
Узоқ йиллик никоҳдан сўнг барибир ажрашишга қарор қилган ушбу жуфтликнинг олтита фарзанди бор, уларнинг уч нафари асраб олинган. Вивен ва Нокс исмли эгизаклар 2008 йилда дунёга келган.
Сара Жессика Паркер ва Mеттью Бродерик
Голливуд актрисаси Сара Жессика Паркер ва унинг турмуш ўртоғи уч нафар фарзанд тарбияси билан шуғулланиб келмоқда. Актриса тўнғич фарзандини ўзи дунёга келтирган, икки эгизак қизларини эса суррогат она туғиб берган.
Элза Патаки ва Крис Ҳемсворт
Актёрларнинг уч нафар фарзанди: 2014 йилда туғилган тўнғич қизи ва икки нафар эгизак ўғли бор. Айтганча, Ҳемсвортнинг қизи отасининг изидан бориб, у билан бирга “Тор: Севги ва чақмоқ” фильмида суратга тушган.
Жорж ва Амаля Клуни
Голливуд актёри Жорж Клуни турмуш ўртоғи ва адвокат Амаляни учратишдан аввал фарзандли бўлмаслик тарафдори — чайлдфри инсон эди. Бироқ оила қургач, актёр ўз фикрини ўзгартирди. Ҳозирда жуфтлик Александр ва Элла исмли эгизак фарзандларни тарбия қилмоқда.
Бейонсе ва Жей Зи
Юлдузли жуфтлик уч нафар қиз фарзандларни катта қилмоқда. 2017 йилда туғилган эгизак қизларига улар Руми ва Сера деб исм қўйган.
Энрике Иглесиас ва Анна Курникова
Россиялик спортчи Анна Курникова деярли 20 йилдан буён қўшиқчи Энрике Иглесиас билан бахтли ҳаёт кечирмоқда. Юлдузли жуфтлик учта фарзандни тарбияламоқда — эгизак ўғиллар Люси ва Николай ҳамда Мария исмли қизалоқ.
Криштиану Роналду ва Жоржина Родригес
Жаҳонга машҳур футболчининг беш нафар фарзанди бор. Жоржина Родригес 2017 йилда Матео ва Эва исмли эгизакларни дунёга келтирди. Афсуски, бир неча йил олдин модел иккинчи ҳомиладорлигида эгизакларидан бирини йўқотди.
Илон Маск
2022 йил июль ойида Илон Маск ва Шивон Зилис эгизак фарзандлар ота-онаси бўлишди. Маскнинг собиқ рафиқаси Жастин Уилсон уч эгиз болаларни дунёга келтирган.
Изоҳ (0)