Ҳар қандай ҳолатда ҳам ўзи иштирок этган фильмларни кўрмайдиган Голливуд юлдузлари

Актёрларнинг кинода ишлаш бўйича ўзига хос қарашлари бор, уларни оддий томошабинлар тушуниши осон эмас.

Жонни Депп

Депп 70 дан ортиқ фильмда рол ўйнаган, аммо у Жек Читтак ролини ўйнаган “Кариб денгизи қароқчилари” саргузашт фильмлари билан машҳур.

Томошабинларнинг фильмга бўлган муҳаббатига ва уларнинг мақтовли шарҳларига қарамай, Жонни ўзи иштирокидаги фильмларни томоша қилмасликни афзал кўради.

“Кўп йиллар олдин ўзим ўйнаган фильмларни томоша қилмасликка қарор қилдим, бу мени бироз қийнаб қўйди, чунки дўстларимнинг ролларини ҳам кузатолмасдим. Иложи борича натижадан узоқлашган маъқул, чунки персонажни ўйнаб бўлгач, қолгани сизга боғлиқ бўлмай қолади”.

Риз Уизерспун

“Қонундаги малласоч” ролини ижро этган Риз Уизерспун ҳам ўзи  иштирокидаги фильмларни томоша қилишдан қочади. Гап шундаки, у ўзига ва ишига нисбатан қониқмай қолишдан қўрқади.

Бундан ташқари, актриса суратга олингандан кейин ролларини дарҳол унутади ва фақат баъзи сатрларни эслайди холос.

Асосий мухлислар — унинг болалари Ава, Дикон ва Теннесси Риз иштирокидаги фильмларни томоша қилишдан мамнун.

Анжелина Жоли

2009 йилда актриса Gооd Morning Америcа нашрига берган интервьюсида ўзининг профессионал позициясини тушунтирди:

“Менга кино томоша қилишдан кўра кўпроқ суратга олиш жараёни қизиқ”.

Жолининг айтишича, собиқ эри Бред Питт билан фильмларни катта қизиқиш билан томоша қилган. Бундан ташқари, Анжелина киноларни бир неча марта томоша қилишда маъно кўрмайди.

Руперт Гринт

“Гарри Поттер” фильмидаги малласоч бола Рон Уизлини ўйнаган Руперт Гринт фильмнинг атиги 3-қисмини томоша қилганини айтади. У буни бошқа “янги” қисмлар унга нисбатан камроқ қизиқиш уйғотгани ва умуман ёқмагани билан изоҳлайди.

Шарлиз Терон

Кўпчилик учун актриса нима учун ўзи иштирокидаги фильмларни кўрмаслиги сир бўлиб қолмоқда. У экранда ўзини кўришдан кўра парашютдан сакрашни афзал кўришини айтади. Бироқ истисно ҳолат ҳам бор — Шарлиз 2003 йилда “Monster” фильмини кўрган.

Никол Кидман

2009 йилда актриса ўзи иштирокидаги иккита фильмни томоша қилганини тан олди: “Мулен Руж” ва “Австралия”. Сабаби: унинг ишини кўришни илтимос қилган режиссёр Баз Лурман учун томоша қилади.

Кидман турмуш ўртоғи Кейт Урбан билан “Австралия” фильми премерасини томоша қилган пайтини эслайди: Ўшанда у бир жойда ўтира олмаган — ролни қанчалик яхши ўйнагани ҳақида ташвишланган.

Николнинг комплексларига қарамай, оиласи унинг бу қарорига хайрихоҳлик билдиради ва у йўқлигида актриса иштирокидаги фильмларни томоша қилишади.

Том Хенкс

“Форрест Гамп” картинасининг бош қаҳрамони актёрларнинг ўз иштирокидаги фильмларни, айниқса, уларни бир неча бор томоша қилишини бемаънилик деб ҳисоблайди.

“Мен ўз ишимни томоша қилмайман — ким томоша қилади? Бу аҳмоқона бўларди. Баъзи фильмларни бир марта кўрганман, уларни қайта кўришга ҳожат йўқ, чунки улар ўзгармайди”, — дейди Ҳенкс.

100 дан ортиқ фильмларда рол ўйнаган Том ўз принципига содиқ қолади ва фақат энг юқори даражада қила оладиган ишни — фильмларда рол ўйнашни давом эттиради.

Жаред Летто

 “Оскар” совриндори Жаред Летто “Далласлик харидорлар клуби” фильмидаги роли билан кўплаб томошабинларни лол қолдирди.

Аммо бошқа фильмлардаги каби бунда ҳам ўзини томоша қилмаган. Бунинг сабабларидан бири унинг ўзгарган овози эди, Жаред бунга тоқат қила олмаган.