Marie Claire нашри қирол оилалари билан оилавий алоқаларидан мақтана оладиган машҳурлар ҳақида маълумот беради.
Кит Харингтон
«Тахтлар ўйини»даги қаҳрамонидан фарқли ўлароқ, Кит Харингтон ҳар доим ўзининг «қироллик насл-насабидан» фахрланган. Гап шундаки, бувиси Лавендер Сесилия Дэнни орқали у инглиз қироли Чарльз II нинг авлоди ҳисобланади. «Кичиклигимда ота-онам бой бўлмаган. Биз ҳамма қатори яшардик, лекин мен Оксбриж (Оксфорд ва Кембриж университетлари)да ўқимаганман», — деган Ҳарингтон Лондон Эвенинг «Стандард» нашрига берган интервьюсида.
Роберт Паттинсон
Роберт Паттинсон — оммага таништиришга муҳтож бўлмаган актёр. У «Сумерки» кино эпопеяси чиққандан сўнг дарҳол ёш қизларнинг кумирига айланди, у фильмда оддий ўрта мактаб қизига ошиқ бўлган сирли ва одамови вампир қиёфасида пайдо бўлади. Актёрнинг узоқ қариндошлари орасида нафақат Британия князлари Гарри ва Уильям, балки ҳатто Брам Стокернинг худди шу номдаги романида Дракуланинг прототипига айланган Валахиянинг машҳур ҳукмдори Влад Импалер ҳам бор. Паттинсон нима учун вампир ролини шунчалик ишонарли ўйнаганини энди тушунгандирсиз.
Жонни Депп
Жонни Депп ҳар доим ўзини қирол каби тутади — суратга олиш майдончасида, ресторанларда ва ҳатто суд мажлисларида ҳам. У бутун ташқи кўриниши билан дунёга ўзининг туғма ҳуқуқи бўйича бошқалардан қандайдир устунликка эга эканлиги ҳақидаги фикрни сингдиради. Ҳаммаси такаббурликдан, деб ўйлайсизми? Адашасиз. Британиялик генеалог Ник Барратт америкалик актёрнинг қиролича Елизавета II билан умумий илдизларга эга эканини аниқлади. Жонни Деппнинг яна бир оилавий шажараси француз гугенотларига бориб тақалади.
Мегги ва Жейк Жилленхол
Жейк ва Мегги Голливуддаги энг қобилиятли ака-сингил ҳисобланади. Улар биргаликда «Донни Дарко» триллерида рол ўйнашди, шунингдек, машҳур «Форс шаҳзодаси», «Букри тоғ», «Қора рицар» ва «Котиба» фильмларида рол ижро этишган. Мегги ва Жейк нафақат истеъдодли, балки қироллик оиласи ўртасидаги алоқалари билан ҳам ажралиб туради. Улар Англия қироли Эдвард III нинг бевосита авлодлари ва қиролича Елизавета II нинг 19-амакиваччаларидир.
Бейонсе
Хонанда Бейонсе мусиқа индустриясида оламшумул карьерага эришди, рэпер Жей Зи билан турмуш қурди ва уч фарзандни дунёга келтирди. Яқинда эса у Disney’нинг «Қирол шер» ремейки қаҳрамонларидан бири - қирол Симбанинг суюкли ёри Налага овоз берди. Айтиш мумкинки, юлдузли жуфтлик Бейонсе ва Жей-Зи ҳақида жуда кўп миш-мишлар юради — баъзилар ҳатто улар дунёни бошқарадиган махфий жамияти аъзолари эканига амин. Албатта, бу фитна назариялари ҳақиқат эмас, лекин у ёки бу тарзда қўшиқчи тожга эга бўлганлар билан маълум алоқаларга эга. Журналистларнинг фикрича, Бейонсе қиролича Елизавета II нинг 25- амакиваччасидир (уларнинг умумий аждоди, инглиз қироли Генрих II Плантагенет орқали).
Бенедикт Камбербетч
Шерлок ролини ўйнаган машҳур британиялик актёр Букингем саройидаги тантанали қабулларда тез-тез меҳмон бўлади. Бенедикт Камбербетчнинг аждоди инглиз қироли Ричард III нинг авлоди бўлади. Камбербетч BBC фильмлар серияси учун қирол Ричард III қолдиқларини тантанали қайта кўмиш маросимида қатнашган ва маросимда Керол Энн Даффининг «Ричард» шеърини ўқиб берган.
Меган Маркл
Шаҳзода Гарри америкалик актриса Меган Маркл билан учрашаётгани ҳақида биринчи миш-мишлар пайдо бўлганда, танқидлар тўлқини дарҳол қизга тегади. Кўпчилик бундай «оддий одам» Буюк Британия қироличасининг набирасига муносиб жуфт бўла олмайди, деб ўйлашади. Бироқ насл-насабга кўра, Меган Маркл ота томонида инглиз қироли Эдвард III нинг авлоди. Демак, 2018 йил 19 майда Меган Маркл қироллик оиласига кирмай, Британия монархияси билан оилавий алоқаларини мустаҳкамлади, десак тўғрироқ бўлади.
Анжелина Жоли ва Бред Питт
Энг машҳур Голливуд жуфтликлари ҳақида гап кетганда, дарҳол Анжелина Жоли ва Бред Питт ёдга тушади. Уларни «Жаноб Смит ва Смит хоним» фильмининг суратга олиш майдончасида танишган деб ҳисоблашади, балки улар орасидаги кимё маълум даражада бошқа бирлаштирувчи омил – «қироллик келиб чиқиши» туфайли пайдо бўлгандир? Маълумки, актёрнинг она томонидан аждодлари Англия қироли Генрих II Плантагенет бўлган, актрисанинг эса Франция қироли Филипп II Август билан узоқ қариндошчилиги бор.
Изоҳ (0)