Кино оламида шундай машҳурлар борки, улар ўз қаҳрамонларининг тақдирини ҳаётида ҳам бошдан кечирган. Қуйида улар ҳақида маълумот берилади.
Дэвид Духовни
Дэвид Духовни етти йил давомида «Шафқатсиз калифорниялик» телесериалида рол ижро этган, актёрнинг қаҳрамони доимий равишда қизларни ўзгартиради ва спиртли ичимликларни истеъмол қилади. Актёр ушбу ролга шунчалик ўрганиб қолдики, натижада у ижросини ҳақиқат билан чалкаштира бошлади, яъни Духовни турмуш қурганидан кейин ҳам бу воқеаларни ҳаётида давом эттирди.
Хотини актёрни ажрашиш билан қўрқитгандан кейин Дэвид ихтисослашган клиникада даволанишга қарор қилган. Бироқ бу ҳам унга ёрдам бермади, актёр шу воқеалардан кейин ҳам ўша ҳаётини давом эттирди. Натижада, Дэвиднинг хотини ажрашиш учун ариза берди ва 2014 йилда уйдан кетди. Шундан кейин Духовни учун ҳалокатли бўлган сериалнинг суратга олиш ишлари ҳам якунланди.
Лиам Нисон
Лиам «Ҳақиқий севги» номли янги йил мелодрамасида рол ижро этган, унда унинг қаҳрамони хотинини дафн қилади ва ўғлини ёлғиз тарбиялашга мажбур бўлади. Ўша пайтда актёр Наташа Ричардсон билан бахтли ҳаёт кечирарди ва у билан икки ўғилни тарбиялаган.
Бироқ 2009 йилда актёрнинг севимли рафиқаси тоғ-чанғи курортида дам олаётганда бошидан жиддий жароҳат олган ва вафот этган. Аввалига актёрнинг рафиқаси ўзини ёмон ҳис қилмаган ва касалхонага боришдан бош тортган. Бироқ бир неча соатдан сўнг у оғир аҳволда шифохонага олиб кетилган. Наташа Ричардсон комага тушганидан кейин шифокорлар унга ёрдам бера олмаган.
Анжелина Жоли ва Бред Питт
Голливуд юлдузлари Анжелина Жоли ва Бред Питт 2014- йилда турмуш қурди, орадан бир йил ўтгач эса жуфтлик ижросидаги «Ложувард соҳил» фильми катта экранларда намойиш этилди. Кинофильм воқеаларида жуфтлик муносабатларида ўзгариш юзага келади ва улар оиласини сақлаб қолиш мақсадида саёҳатга чиқади.
Орадан вақт ўтиб Анжелина Жоли ва Бред Питт ажрашганини эълон қилди ва шундан кейин шоу-шувли суд жараёнлари бошланди. Бу ҳодиса жуфтликнинг мухлисларини ҳайратда қолдирди. Кўплаб мухлисларнинг фикрига кўра, Анжелина Жоли тақдири қандай бўлишини олдиндан билган ва айнан шунинг учун ушбу кинокартинада суратга тушган.
Ирина Алферова ва Александр Абдулов
Алферова ва Абдулов жуфтлиги бир вақтлар энг чиройли ва муҳокамаларга сабаб бўлган жуфтликлардан бири бўлган. Бироқ уларнинг муносабатлари унча яхши бўлмаган. Жуфтлик ажралишидан олдин «Яқинларингиз билан ажрашманг» кинофильмида суратга тушди. Фильмдан сўнг уларнинг муносабати яхши томонга ўзгарди, бироқ етти йиллик турмушдан сўнг Алферова ажрашиш учун ариза берган. Актриса турмуш ўртоғидан чарчаганини ва унинг хиёнати ҳақидаги хабарларни эшитганини айтган.
Константин Хабенский
Актёр кино оламидаги фаолиятининг бошида «Аёллар мулки» фильмида рол ижро этди. Унинг қаҳрамони оғир касалликка чалинган аёлни севиб қолади. Фильм охирида аёл вафот этади. Хабенский ҳаётда ҳам шу фожиани бошдан кечиради: 2008 йилда унинг рафиқаси Анастасия вафот этади, бунга ҳомиладорлик пайтида юзага келган мия шиши сабаб бўлган.
Актёр Анастасияни қутқаришга ҳаракат қилди ва энг яхши рус ва хорижий шифокорларга мурожаат қилди, аммо, афсуски, ҳеч ким актёрнинг хотинига ёрдам бера олмади.
Нонна Мордюкова
Нонна Викторовна ўғли Владимир Тихонов билан «Россия даласи» фильмида рол ўйнаган, фильм сюжетига кўра, актрисанинг қаҳрамони ўлган ўғли видолашиши керак бўлган. Актриса бу ролга кўника олмаган ва онаси боласини дафн этаётганини ўйлаб, доимо даҳшатга тушган.
«У Даманский оролида ўлик аскар ролини ўйнади. Ўлган чегарачилар дафн этилган охирги манзара мен учун чидаб бўлмас эди. У ёнимга ўтирди ва кўндирди: Онам! Мен шу ердаман! Тирикман. Бу фильм'» —, дейди Мордюкова.
Аммо тарих ҳақиқатдан ҳам такрорланди. Актрисанинг ўғли Владимир юрак етишмовчилигидан вафот этганида 40 ёшда эди. Нонна Викторовна умрининг охиригача унинг эрта вафот этганини унутолмай яшади.
Мавзуга доир: