Фильмнинг муваффақияти кўп жиҳатдан актёрларнинг ролга қанчалик мос келишига боғлиқ. Бироқ кастинг менежерлари ҳам барча одамлар каби баъзида хато қилишади ва ролга мос келмайдиган юлдуз танланади.
Қора бева — Скарлетт Йоханссон
“Темир одам-2” фильми актёрлари олдиндан маълум бўлгач, мухлисларда ғазаб тўлқини пайдо бўлди. Йоханссоннинг супер жосус ролини ўйнаши кўпчиликка ёқмади. Ижтимоий тармоқ фойдаланувчилари бошқа номзодларни таклиф қилишди: масалан, дастлаб ушбу рол учун кўриб чиқилган Эмили Блант. Фильм чиққандан кейин томошабинлар актрисанинг экранда пайдо бўлиши эснашга сабаб бўлганини таъкидлашди.
Жей Гетсби — Леонардо Ди Каприо
Айрим танқидчиларнинг фикрича, Ди Каприо кўп қиррали ва истеъдодли актёр бўлишига қарамай, Гецби ролига мос тушмаган. Жей Гетсби хавф-хатарни сезадиган дадил одам бўлиши керак. Томошабинларнинг фикрича, Леонардо ижросидаги Гетсби масхарабозга ўхшаб қолган.
Жинни Уизли — Бонни Райт
Гарри Поттер китобларини ўқиган ҳар бир киши Жинни гўзал ва хушчақчақ қиз бўлишини билади. Фильмдаги бу ролни ўйнаган Бонни Райт деярли сезилмайди ҳам. Ундаги ҳақиқий сеҳргарлик қудратини, омадли спортчи ва кўплаб талабаларнинг орзуси бўлган қиз образини актриса маромига етказиб ўйнолмаган.
Белл — Эмма Уотсон
Disney’нинг “Соҳибжамол ва махлуқ” эртагининг фильми турли баҳоларга сазовор бўлди. Томошабинларга нафақат бироз модернизация қилинган сценарий, балки Уотсоннинг ижроси ҳам ёқмади: “Экранда Беллни эмас, феминист Эмма Уотсонни кўриш мумкин”. Баъзилар эса актриса Беллнинг раҳм-шафқат ва сабр каби муҳим хусусиятларини етказа олмаганини таъкидлайди.
Ахиллес — Бред Питт
Ижодкорлар “Троя” достонини кўнгилочар фильмга айлантириб қўйишди, унда кучли драматик саҳналар умуман йўқ. Бред Питтнинг ижроси ҳам танқидчилар эътиборидан четда қолмади. У Грециянинг буюк жангчиси образини яратиши керак эди, лекин буни уддалай олмади: “Питт яхши актёр ва келишган эркак, аммо Ахиллес бундай персонаж эмас”. Бред Питт томонидан ижро этилган афсонавий жангчи жуда замонавий бўлиб қолган.
Олимпиада — Анжелина Жоли
Ушбу рол учун Жоли “Энг ёмон актриса” номинациясида “Олтин малина” мукофотини олди. Анжелинанинг ғалати аксенти танқидчиларга ёқмайди. Томошабинлар ҳам Жолига бўлган севгиларига қарамай, у Олимпиадани ёмон ўйнаганини тан олишади.
Жейн Фостер — Натали Портман
Тор ҳақидаги иккинчи фильм чиққандан сўнг Натали Портман Marvelъда кўринмай қолди. Истеъдодли актрисанинг баъзи мухлислари унинг юзаки ва зерикарли актрисалигидан ҳафсаласи пир бўлган. Уларга Портман персонажини жонлантириш учун етарлича саъй-ҳаракатлар қилмагандек туюлди: “У ҳар сафар ҳис-туйғуларини ифодалашга ҳаракат қилганда жуда бемаъни бўлиб чиқади”.
Робин Гуд — Кевин Костнер
Томошабинларга Робин Гуднинг кўз қараши ёқмайди. Робин Гуд чидамли, бақувват қаҳрамон, Костнер эса, уларнинг фикрича, чарчаган чол бўлиб қолган. Уни ҳатто дарахтга қиёслашган: “Костнер ижросидаги Робин Гуд Ноттингем ўрмонидаги дарахтлардан бирига ўхшаб қотиб қолган”.
Жонатан Харкер — Киану Ривз
1992 йилда Брем Стокернинг “Дракула” романининг навбатдаги фильми чиқди. Танқидчилар фильмнинг асосий камчилигини кино фахрийлари Гари Олдман ва Энтони Хопкинс даражасига ета олмаган Ривзнинг ижроси деб аташди. Фильмда Ривзнинг хотиржам эмаслиги сезилади, унинг инглизча аксенти эса кино тарихидаги энг ёмонларидан бири сифатида тан олинди. Томошабинлар ҳам Ривзнинг британияликларни ўйнашга уринишидан хурсанд бўлмади.
Мисс Коллин Ханниган — Кемерон Диас
Кемерон Диас машҳур бродвей мюзиклининг фильмга мослашувида ўқитувчи ролини ижро этган. Аммо фильм “Олтин малина”дан бошқа ҳеч нарсага сазовор бўлмади. Танқидчилар актрисанинг ҳаддан ташқари ҳаракат қилгани ва унинг персонажи том маънода асабийлик ёқасида бўлган деган хулосага келишди. Томошабинлар ҳам уларнинг фикрига қўшилади, улар Мисс Ханниган сифатида бошқа бировни кўришни афзал кўришади: “Камерон Диас бу фильмда жуда ёмон ўйнаган. Ўшандан бери актриса фильмларда рол ўйнамайди”.