Кимдир жуда семиз, айримлар эса озғин — афсуски, ҳаммага ёқишнинг иложи йўқ. Вазни бўйича доимо танқидга учрайдиган машҳурлар ҳақида маълумот берамиз.
Белла Ҳадид
Ҳатто гўзал модел деб ҳисобланган таниқли Белла Ҳадид ҳам вазни туфайли танқидларга учраган. Юлдузнинг ижтимоий тармоқлардаги саҳифасида кўплаб обуначилари унга қараш қўрқинчли экани ҳақида изоҳ ёзишади.
Уни ҳам анорексияга чалинган, ҳам скелет деб аташган. Аммо бошқаларнинг фикри уни умуман қизиқтирмайди — Белла ўзи идеал деб ҳисоблаган қоматидан мамнун.
Анжелина Жоли
Анжелина Жолининг фигураси доимо ҳейтерлар томонидан танқид қилинади. Кўпчилик, актриса ҳаддан ташқари вазн йўқотиш билан ўзининг ташқи қиёфасини бузган деб ҳисоблайди. Энди унга қараш унчалик ёқимли эмас, ҳатто қўрқинчли дейдиганлар ҳам бор.
У Бред Питт билан ажрашгандан сўнг жуда кўп вазн йўқотди, бу унинг учун жиддий синов бўлди. Айтишларича, ўша пайтда унинг минимал вазни атиги 35 кг эди. Жоли ҳозирда бир оз вазн йиғган бўлса-да, ҳали ҳам озғинлигича қолмоқда.
Кира Найтли
Кира Найтли ҳар доим жуда нозик бўлган ва бу жамият эътиборидан четда қолмаган. Бир марта уни ҳатто анорексияга чалинган ҳам дейишган, бу актрисани жуда хафа қилади. Ўшанда у қизининг актриса бўлишига ҳеч қачон йўл қўймаслигини айтади.
Селена Гомес
Селена ҳам қомати туфайли бир неча бор ҳейтерлар нишонига айланган. Улар хонандани семиз, ҳатто хунук дейишади. Бу мулоҳазалар, албатта, хонандани қаттиқ хафа қилади ва у кўпинча ўз блогида ортиқча вазнли одамларга муносабатини муҳокама қилади.
Леди Гага
Леди Гага ноодатий ташқи кўриниши учун доимо танқид қилинган, 2017 йилда у ҳатто бодишеймерлар (одамларни ташқи кўринишидаги нуқсонлари учун омма олдида қоралайдиганлар) ҳужумига учраган. Суперкубокдаги чиқиши пайтида кўпчилик қўшиқчини жуда семизлигини айтиб, у камчиликларини омма олдида кўрсатмаслиги керак деган қарорга келади. Леди Гага ҳейтерларга шунчаки эътибор бермайди, чунки уларнинг фикри хонанда учун муҳим эмас.
Изоҳ (0)