Анжелина Жоли ва Бред Питтнинг кенжа қизи театрга катта қизиқиш билдирмоқда. Вивен ушбу санъат тури билан яқиндан танишиш ҳамда соҳанинг ҳар бир жиҳатини батафсил ўрганиш учун фаолиятни оддий ишдан бошлашдан қўрқмайди. У “Чекишнинг телбаликка олиб келиши: мюзикл” (Reefer Madness: The Musical) тақдимотида билет сотувчиси сифатида ишлаб кўрди.
Тадбир 30 июль, сешанба куни Калифорниянинг Лос Анжелес шаҳридаги Whitley меҳмонхонасида бўлиб ўтди. Вивен ташкилотчи ходимлар билан суҳбатлашишга кетишдан олдин тадбирга ташриф буюрган меҳмонларга ўз жойларини топишга ёрдам берди. Спенсер Лифф режиссёрлиги ва хореографияси остидаги қайта тикланган шоу Голливуд саҳнасида 27 октябргача намойиш этилади.
Ушбу кечадан 25 йил аввал мюзиклда иштирок этган актёрларнинг қўшиқлари ва ҳикоялари ўрин олди. Юлдузлардан Кристен Белл, Кристиан Кемпбелл, Гарри С. Mёрфи, Жон Кассир, Лори Алан, Стейси Сибли, Ларри Поиндекстер, Саманта Ҳаррис, Аукая Кейна ва Пол Нигро каби актёрлар иштирок этди. “Чекишнинг телбаликка олиб келиши: мюзикл” илк бор 1998 йилда Лос Анжелесда намойиш этилган.
Аввалроқ Вивен 30 май куни онаси Анжелина Жоли билан бирга Кристин Беллни қўллаб-қувватлаш учун “Уйғониш” (Тhе Revival) фильми премьерасида қатнашган эди. Мери Лейн образини гавдалантирган актриса “Малефисент” юлдузи Вивен ҳақида ўзининг самимий фикрларини билдириб ўтди:
“Анжелина мени қўллаб-қувватлаш учун фильм премьерасига ташриф буюришини айтганида жуда қувондим. Бу театр санъати яхши йўлга қўйилмаган Лос Анжелес учун яхши ишора”, деди Кристин.
Вивеннинг театрга бўлган қизиқиши ортишига Френсис Форд Копполанинг 1983 йилда суратга олинган “Қувилганлар” фильми асосида саҳналаштирилган “Қувилганлар” (The Outsiders) спектакли туртки бўлди. Вивен ушбу лойиҳа устида кўнгилли ёрдамчи сифатида ишлади ва спектакл 2024 йилда “Тони” мукофотида энг яхши мусиқий фильм номинациясида ғолиб чиқди.
Изоҳ (0)