Суриядаги йирик араб қишлоғи Исроилга қўшилиш истагини билдирди, деб хабар бермоқда Кан телерадиокмпанияси.
Аниқланишича, мазкур ҳудудда яшовчи друзлар Дамашқда сунний мусулмонлар ҳокимият тепасига келганидан кейин ўз тақдирларидан хавотир билдирган.
Друзлар — шиа мазҳабидаги арабларнинг этник конфессионал гуруҳи. Исроил 1967 йилдан бери Голан тепалигидаги бир нечта друз қишлоқларини назорат қилади, қолган қишлоқлар Сурия таркибида қолган.
Исроил телекомпанияси Сурия буфер зонасининг Исроил билан чегараси яқинидаги Хадер қишлоғи аҳолисининг мурожаати акс этган видеони таҳлил қилди. Бироқ мазкур видеонинг ҳақиқийлиги тасдиқланмаган.
Хабарда таъкидланишича, ўнлаб қишлоқ аҳолиси Исроилнинг бир қисми бўлиш тарафдори бўлган. Уларнинг фикрича, бу суннийлар ҳокимият тепасига келганидан кейин Сурия таркибида қолишдан хавфсизроқ бўлади.
“Биз ўз шарафимизни сақлаб қолиш учун Исроил Голанига қўшилишни хоҳлаймиз ва бу атрофдаги барча қишлоқларга тегишли, чунки Ҳадера тақдири бутун минтақамиз тақдиридир. Биз Голандаги халқимизга қўшилишни эркин яшашни сўраймиз”, дейди қишлоқ аҳолисидан бири.
Аввалроқ Исроил бош вазири Биньямин Нетаньяху Башар Асад ағдарилгандан кейин Сурия билан Голан баландликларида кучларни тақсимлаш тўғрисидаги келишув ўз кучини йўқотганини айтган эди. Ушбу баёнотдан сўнг Исроил ҳарбийлари чегара зонасини эгаллади.
7-8 декабрь кунлари Исроил қўшинлари ярим асрдан кўпроқ вақт ичида биринчи марта Голан тепаликлари ҳудудида Сурия чегарасини кесиб ўтди. Ҳеч қандай қаршиликка дуч келмай, армия Хермон тоғининг Сурия томонида назорат ўрнатди.
Расмийларга кўра, Тель-Авивда Сурия мухолифатининг қуролланган жангарилари Голан тепаликлари яқинидаги ҳарбий объектларни эгаллаб олиши ва улардан Исроилга қарши фойдаланиши мумкинлигидан хавотирда.
Изоҳ (0)