АҚШнинг сайланган президенти Дональд Трамп Қўшма Штатларнинг Суриядаги вазиятга ҳеч қандай алоқаси бўлмаслиги кераклигини таъкидлади.
У Сурия уларга “дўст эмас”лиги сабабли можарога аралашмасликка чақирди.
Сурияда тартибсизлик авж олган, у бизнинг дўстимиз эмас, шунинг учун Қўшма Штатларнинг ушбу можарога ҳеч қандай алоқаси бўлмаслиги керак. Бу бизнинг урушимиз эмас. Улар ўз қоидалари бўйича ўйнасин. Аралашманг!” деб ёзди Трамп Truth Social ижтимоий тармоғида.
Сиёсатчининг сўзларига кўра, Суриядаги дастлабки можарода АҚШнинг собиқ президенти Барак Обама айбдор, бунинг натижасида “ҳақиқий дўзах бошланди, унга Россия аралашди”. Трампнинг фикрича, Россия Украинадаги уруш билан банд бўлгани сабабли “кўп йиллар давомида ҳимоя қилиб келган Сурия орқали бу юришни тўхтата олмаяпти”.
Энди руслар, худди Асаднинг ўзи каби, қувиб чиқарилмоқда ва бу улар билан содир бўлиши мумкин бўлган энг яхши сценарий бўлиши мумкин. Россия Суриядан, Обаманинг жуда аҳмоқона кўринишидан ташқари, ҳеч қандай алоҳида фойда олмади, деб ёзган Трамп.
Суриядаги вазият
Исёнчиларнинг Ҳалаб провинцияси ғарбий қисмида ҳукумат кучларига қарши кенг кўламли ҳужуми 27 ноябрь куни бошланди. Икки кундан сўнг улар 2016 йилдан бери биринчи марта Ҳалаб шаҳрига кирди. Ҳужумга Суриядаги фуқаролар уруши даврида Асадга қарши чиққан “Ҳайъат Таҳрир ал-Шом” террорчилик ташкилоти бошчилик қилди.
30 ноябрь куни Сурия армияси Ҳалабдан “қўшинларни вақтинча олиб чиқиб кетиши”ни эълон қилди. Аммо Асад Сурия “дўстлари ва иттифоқчилари ёрдамида террорчиларни йўқ қилишга қодир”лигини ишонч билан таъкидлаб, терроризмни йўқ қилишни “минтақадаги барқарорлик ва хавфсизлик” гарови деб атади.
Сурия президенти Башар Асад мамлакатдаги вазият юзасидан Исроилдан ёрдам сўради. Мурожаат Асаднинг Европадаги ёрдамчиларидан бири орқали Исроил томонига етказилган. Ушбу сўровга яҳудий давлати танқидий жавоб берган. Жумладан, Исроил ҳукумати Суриядаги вазият уларни ташвишга солмаслигини айтиб, “аввало Суриядан эронпараст кўнгиллиларни олиб ташлаш, сўнгра ёрдам сўраш” кераклигини маслаҳат берган.
Изоҳ (0)