BMW ва компьютер ўйинлари ишлаб чиқарадиган Electronic Arts компаниялари ҳамкорликда 2005 йилда Need for Speed: Most Wanted компьютер ўйинидаги BMW М3 GTR спорткарини реал ҳаётга татбиқ этди. Бу ҳақда Europa Plus хабар бермоқда.
BMW Blog маълумотларига кўра, ҳамкорлар шу тарзда машҳур компьютер ўйинининг 30 йиллигини нишонлади ҳамда унинг сўнгги қисми яқинда янгиланиши ҳақида эълон қилди.
“Агар сиз нархи, ноёблиги ёки ишлаб чиқарилган санасидан қатъи назар, Need For Speed ўйинининг рамзи бўлиб қолган биргина машинани танлай олсангиз, қайси биринчи модел ёдингизга тушади ва нима учун бу айнан 2005 йилда ишлаб чиқарилган BMW М3 GTR?” деб ёзилган эди блогда.
Speedhunters халқаро автомобиль блогида маълумот берилишича, мазкур машинанинг асоси сифатида 2001 йил чемпиони №42 Team BMW Motorsport E46 М3 GTR деб номланган спорткари олинган. Аввалроқ у АLMS GT машиналар пойгасида ғалаба келтирган эди. Эндиликда афсонавий спорт автомобилининг нуфузи янада ошади.
“М3 GTR Need for Speed тарихидаги энг машҳур автомобиллардан биридир, шунинг учун биз машҳур ўйиннинг 30 йиллиги муносабати билан биз мухлисларга янгилик киритмоқчи бўлдик”, деди NFS бош директори.
Модель Германиядаги BMW Welt кўргазмасида намойиш этилади ва тадбир 2025 йилнинг январь ойигача давом этади.
Изоҳ (0)