BMW va kompyuter o‘yinlari ishlab chiqaradigan Electronic Arts kompaniyalari hamkorlikda 2005-yilda Need For Speed: Most Wanted kompyuter o‘yinidagi BMW M3 GTR sportkarini real hayotga tatbiq etdi. Bu haqda Europa Plus xabar bermoqda.
BMW Blog ma’lumotlariga ko‘ra, hamkorlar shu tarzda mashhur kompyuter o‘yinining 30 yilligini nishonladi hamda uning so‘nggi qismi yaqinda yangilanishi haqida e’lon qildi.
“Agar siz narxi, noyobligi yoki ishlab chiqarilgan sanasidan qat’i nazar, ‘Need for Speed’ o‘yinining ramzi bo‘lib qolgan birgina mashinani tanlay olsangiz, qaysi birinchi model yodingizga tushadi va nima uchun bu aynan 2005-yilda ishlab chiqarilgan BMW M3 GTR?” deb yozilgan edi blogda.
Speedhunters xalqaro avtomobil blogida ma’lumot berilishicha, mazkur mashinaning asosi sifatida 2001-yil chempioni №42 Team BMW Motorsport E46 M3 GTR deb nomlangan sportkari olingan. Avvalroq u ALMS GT mashinalar poygasida g‘alaba keltirgan edi. Endilikda afsonaviy sport avtomobilining nufuzi yanada oshadi.
“M3 GTR Need for Speed tarixidagi eng mashhur avtomobillardan biridir, shuning uchun biz mashhur o‘yinning 30 yilligi munosabati bilan biz muxlislarga yangilik kiritmoqchi bo‘ldik”, dedi NFS bosh direktori.
Model Germaniyadagi BMW Welt ko‘rgazmasida namoyish etiladi va tadbir 2025-yilning yanvar oyigacha davom etadi.
Izoh (0)