Лос-Анжелес ҳуқуқ-тартибот идоралари Америка мегаполиси кўчаларининг бирида автомобиллар сакраб, йўл ҳаракати қоидаларини бузаётган йўлга дуч келди. Ашаддий каскадёрларни ўзига жалб этаётган кўча Бакстер-стрит бўлиб, унинг қиялиги 32 фоизни ташкил этади — олдинлари йўлнинг бу қисмидан мутахассислар автомобиль двигателларини текширишда фойдаланган, ҳозир эса ҳаваскорлар ўз машиналаридан сакрашларни амалга оширмоқда, деб хабар беради Motor.
Март ойида интернетда мазкур йўл орқали сакраб электромобилига шикаст етказган Tesla Model S эгасининг видеоси вирус каби тарқалганди. Орадан уч йил ўтгач AriAndCars номли блогер BMW Х2 кроссоверида ушбу сакрашга «жавоб» қайтарди.
Видео муаллифининг маълум қилишича, унинг «парвози», жумладан, оловли йўлакдан сакраш — Model S ушбу трюкни бажаришдан олдин тасвирга олинган.
«Келинглар, аввало бу аҳмоқлар каби бўлмасликдан бошлаймиз ва буни мустақил такрорлашга уринманг. Ушбу трюк хавфсизлик таъминланган ва барча зарурий рухсатлар олинган бир нечта ёпиқ кўчада амалга оширилган. Каскадёр ва суратга олиш гуруҳининг номи ошкор этилмайди. Яна бир бор — буни мустақил такрорламанг», — дейди AriAndCars.
Лос-Анжелес полиция департаментининг йўл хавфсизлиги бўйича марказий бўлими видеоролик қаҳрамонларини қидираётганини маълум қилди. Бакстер-стритда сакраган қоидабузарлар ҳақидаги маълумотлар учун полиция 1000 доллар миқдорида мукофот ваъда қилган.
Аввалроқ Hyundai Creta халқаро краш-тестдан ўта олмагани, Toyota’нинг янги Тundra пикапига тўрт метр баландликдан 227 килоли двигатель ташлангани тўғрисида хабар берилганди.
Изоҳ (0)