Янги BMW М4 CSL Нюрбургринг «Шимолий сиртмоғи»даги энг тезкор серияли автомобилга айланди, шунингдек, ўрта ўлчамли енгил машиналар синфида рекорд ўрнатди. Бундан олдинги рекорд 600 от кучига эга Jaguar ХR SV Project 8 га тегишли эди — 7 дақиқа-ю 23,164 сония. М4 CSL, ўз навбатида трассани 7 дақиқа, 20,207 сонияда босиб ўтди, деб хабар беради Motor.
Март ойида Германиянинг Sport Auto журналининг синовчи-пойгачиси Кристиан Гебхардт Нюрбургринғни тўлиқ узатмали BMW М4 машинаси рулида 7 дақиқа 28,57 сонияда босиб ўтганди. Бир йил олдин у етакчи орқа ғилдиракларига эга М4 ёрдамида трассани босиб ўтишга 7 дақиқа 30,79 сония сарфлаган. Энди эса натижада янада яхшиланди: янги М4 CSL 7 дақиқа 20,207 сонияни намойиш этди — ва бу марканинг барча серияли моделлари орасидаги энг яхши кўрсаткичдир.
BMW М бўлинмаси томонидан эълон қилинган видеога кўра, 20,6 километрли йўлдан одатда таққослаш пойгаларида фойдаланилади, икки эшикли машина уни 7:15,677 дақиқада босиб ўтган, 20,832 километрли узун масофа эса 7:20,207 дақиқа сарфлаган. Ушбу натижа Mid-range cars синфидаги янги расмий рекорд ҳисобланди. Бундан олдинги рекорд 600 от кучига эга Jaguar ХR SV Project 8 га тегишли эди — уни бельгиялик пойгачи Винсент Радермекер ўрнатган (7:23,164 дақиқа).
BMW М4 CSL 550 от кучи ва 650 Нн айланувчи моментни тақдим этишга қодир уч литрли «битурбоолтилик» ёрдамида ҳаракатга келади. Трансмиссия — саккиз поғонали автомат узатмалар қутиси, орқа узатмали. Купе соатига 100 километр тезликка 3,7 сонияда эришади, 200 километр соатга эса 10,7 сония кифоя қилади. максимал тезлиги соатига 307 километрни ташкил этади.
Аввалроқ АҚШда кўзи ожиз пойгачи соатига 340 км тезликда ҳаракатлангани, Аudi RS 3 Нюрбургрингда янги тезлик рекордини ўрнатгани тўғрисида хабар берилганди.
Изоҳ (0)