BMW компанияси янгиланган Х7 ни тақдим этди. Кроссовер икки қатли олд оптика, модификацияга учраган М60i хDrive ва ускуналарнинг кенгайтирилган рўйхатига эга янгича кўринишга эга бўлган. Электрон бошқарилувчи амортизаторли «пневмоподвеска», тўрт мавсумли иқлим-назорат, эгилган дисплей эга иDrive 8 мультимедиаси, шунингдек, янги интерьер элементлари — ёритиладиган «Х7» ёки «М» ҳарфлари янги модель учун стандартга айланган, деб хабар беради Motor.
BMW компанияси икки қатли олд оптикага эга ХМ концептини тақдим этганида, барча катта моделлар шу каби дизайнга эга бўлиши ҳақида огоҳлантирган эди. Кутилганидек, Х7 мазкур «қиёфага» эга бўлди. Кроссовер дастлабки «фаришта кўзлари»дан айрилган — юқори қатда ишлайдиган чироқларнинг оддий чизиқлари, шунингдек, матрицали фараларнинг ишлаш режими ўрнини эгаллайдиган «туманга қарши чироқлар»гина уларни эслатади. Ёруғлик техникасининг асосий блоки эндиликда пастда жойлашган, қорайтирилган шиша билан ёпилган ва бампер ичига бироз кирган.
Фонарларни ингичка секция ва уч ўлчамли графика билан шиша билан ҳимояланган хромланган кашак бирлаштириб туради. Янгиланган Х7 учун нур таратувчи Iconic Glow панжарасини ва қайта ишланган М Sport ҳамда М Sport Pro пакетларини буюртма қилиш мумкин. Кузовлар рангига Sparkling Copper Грэй ва М Маrina Bay Blue (фақат Х7 М60i хDrive) «металликалари» қўшилган. Ғилдираклар базаси олдингидек 20 дюймли (М Sport пакетида 21 дюйм), бироқ опциялари рўйхатида биринчи марта диаметри 23 дюймга тенг дискалар пайдо бўлган.
Машина ичида ўриндиқлар уч қатор жойлаштирилган. Стандарт равишда ўртада уч ўринли диван жойлашган бўлиб, уни иккита алоҳида ўриндиққа ажраца ҳам бўлади. Ҳайдовчи ва йўловчи ўриндиқлари иситгичлар билан жиҳозланган. Барча ўриндиқлар BMW Individual Меrino табиий чарми билан қопланган.
BMW Х7 нинг стандарт жиҳозлари қаторидан мослашувчан амортизаторларга эга пневматик «подвеска», тўрт мавсумга мос иқлим-назорат, панорама том, HiFi-аудиотизим, спорт машиналарига хос руль ва симсиз қувватлантиргич ўрин олган.
Шунингдек, электрон ассистентлар ҳам янгиланган. Масалан, автоматик тормозланиш тизими эндиликда пиёдалар, велосипедчилар ва қарама-қарши ҳаракатланиб келаётган машиналар бурилишини таний олади. Parking Assistant Professional тизими 50 эмас, 200 метр босиб ўтилган йўлни эслаб қолади ва уни қайтара олади. Бундан ташқари, Х7 да илк бор эшикларни очишдаги хавф функцияси пайдо бўлган.
Х7 нинг барча двигателлари 12 от кучи ва 200 нанометр айланувчи моментга эга янги 48 волтли ўт олдиргичга эга. Базавий олти цилиндрли Х7 хDrive40d 352 от кучи ёрдамида ҳаракатга келади. Модификацияга учраган Х7 эса 380 от кучига эга олти цилиндрли янги бензинли двигателда ҳаракатланади. Ушбу кроссовер соатига 100 километр тезликка 5,8 сонияда эришади (олдин 6,3 сония эди).
М50i ўрнига тўлиқ янгиланган S69 «битурбосаккизлик» Х7 М60i хDrive келган. У аввалгидек 530 от кучига (750 Нм) эга ва соатига 100 километр тезликка 4,7 сонияда эришади.
Рестайлинг қилинган BMW Х7 Жанубий Каролина штатидаги Спартанберг заводида ишлаб чиқарилади. Сотувлар шу йилнинг августидан бошланиши режалаштирилган.
Изоҳ (0)