Хитойнинг Гуандун провинциясида дунёдаги биринчи учар автомобилларни ишлаб чиқариш базасини қуриш бошланди. Бу ҳақда Sinhua хабар берди.
Гуанчжоу шаҳридаги база Xpeng Aeroht компаниясининг буюртмаси асосида қурилмоқда. Компания маълумотларига кўра, 180 минг квадрат метр майдонни эгаллаган ушбу завод қурилишининг биринчи босқич лойиҳаси “Қуруқликдаги авиаташув” автомобили учун ҳаво модулини ишлаб чиқаришдан иборат. Келажакдаги лойиҳанинг ишлаб чиқариш қуввати йилига 10 минг донани ташкил этади.
Xpeng Aeroht компанияси асосчиси Чжао Делининг айтишича, 2024 йилнинг сентябрь ойида “Қуруқликдаги авиаташув” модели ўзининг биринчи парвозини амалга оширди ва унинг дастлабки савдоси йил охирида бошланади.
Расмий олди-сотди ҳали бошланмаган бўлса-да, компания аллақачон маҳсулот учун олдиндан буюртмаларни қўлга киритган. Xpeng Aeroht 4 сентябрь куни бир қатор асосий ҳамкорлар билан ёпиқ эшиклар орқали учрашув ўтказди ва у ўзининг модулли учар автомобили учун 1000 дан ортиқ олдиндан буюртма олганини билдирди.
27 сентябрь куни компания Чжесзян провинциясининг Ханчжоу шаҳрида жойлашган иккита компания билан стратегик ҳамкорликка эришгани ва 150 та модулли учар автомобиллар учун олдиндан буюртмалар олганини маълум қилди.
Изоҳ (0)