«Тахтлар ўйини»нинг мухлиси бўлмасангиз ҳам, Жейсон Момоа ҳақида эшитгансиз, албатта. Дрого ва Аквамен ролини ижро этган актёр тезликнинг ашаддий мухлиси. Унинг автомобиллар коллекциясининг баҳоси 1 миллион доллардан ошади, бир нечта ноёб моделлар ҳам бор. Жейсоннинг коллекциясидаги автомобиль ҳамда мотоцикллар эгасининг шахсияти ва характерини акс эттиради.
1955 йилги пушти Cadillac
Жейсон Бернадетт деб номлаган ажойиб пушти Cadillac’га эга. Бу актёрнинг энг эътиборга молик харидларидан бири бўлса керак, чунки кўчаларда пушти рангли Cadillac’лар жуда кам. Машина унинг жангчи-суперқаҳрамон образига унчалик мос келмайди, лекин барибир у ажойиб кўринади. Актёр бу машинани 22 ёшида Элвис Преслидан илҳомланиб, сотиб олган.
Harley-Davidson Panhead Chopper
Жейсон коллекциясидаги энг зўр мотоцикллардан бири унинг 1956 йилда ишлаб чиқарилган Harley-Davidson Panhead Chopper’дир. Ушбу мотоцикл актёрнинг классик Харлиларга бўлган муҳаббатини ифодалайди. Актёр севимли бувиси шарафига мотоциклига Мейбл деб ном берган.
Harley-Davidson Softail Slim
Ишлаб чиқарувчиларнинг ўзлари Жейсонга Harley-Davidson Softail Slim’ни совға қилишган. «Аквамен» фильмини суратга олиш жараёнида Жейсон Village Roadshow студиясига қайтиб келади ва картон қутида унинг совғаси — Softail турарди. Бу одатий Harley-Devidson, аммо баъзи ўзига хосликлари билан: унда массив элементлар йўқ, бу моделни янада минималист қилади.
Harley-Davidson Model J
Актёрда 1916 йилда ишлаб чиқарилган Harley-Davidson Модель J ҳам бор. Ўз тарихи билан машҳур бўлган мотоциклни ҳозирда транспорт музейларида ва бренднинг ҳақиқий мухлислари орасидан топиш мумкин. Момоа бой тарихий ўтмишни ҳам, унинг транспорт танлашида ҳам ўз аксини топган визуал жозибадорликни қадрлайди.
Harley-Davidson LiveWire
Актёрнинг Harleys коллекциясига сўнгги қўшилгани Harley-Davidson LiveWire бўлиб, Жейсон электр транспорт воситаларига ҳам қизиқади. LiveWire — Harley-Davidson’нинг биринчи «яшил» мотоцикли бўлиб, 175 км/соат тезликка эришади.
Land Rover Defender 3
Жейсоннинг севимли машиналаридан бири унинг 3-Series Land Rover Defender’идир. Актёрнинг бу машинани яхши кўришини уни сотиб олишнинг таъсирли ҳикояси тасдиқлайди. Ушбу Land Rover актёр учун биринчи йирик сотиб олинган машина бўлиб, кейинчалик у билан хайрлашишга мажбур бўлди. Жейсон уни 2014 йилда суратга олмоқчи бўлган фильмини молиялаштириш учун сотган. Аммо актёрга машина шу қадар ёқардики, етарлича пул ишлаб топгач, уни аввалги эгасидан қайтариб олишга қарор қилади.
Valkree Drifter
Жейсоннинг гаражидаги ноёб мотоцикл бу — электр Valkree Drifter. У винтаж услубида тайёрланган ва Австралиядаги устахонада қўлда йиғилган. Дрифтер 250 Вт қувватга эга орқа двигатель билан жиҳозланган, уни 500 Втгача ошириш мумкин. Моделга енгил қотишма корпусга маҳкамланган Samsung литий-ион батареяси ўрнатилган.
Ford F-550 Earthroamer
Жейсон Ford F-550 RV номи билан машҳур Earthроамеръга ҳам эга. Жейсон бу машинани шунчалик ёқтириб қоладики, актёр ҳатто уни ўзи билан «Аквамен» фильми премьерасига ҳам олиб келади. Момоа очиқ ҳавода юришни яхши кўради — Earthроамер бунга жуда мос келади. Автомобиль 6,7 литрли В8 турбодизель двигатели билан жиҳозланган ва энг арзон базавий модели ярим миллион доллардан қимматроқ туради.
BMW R Nine Т Scrambler
Момоанинг коллекциясида бир нечта ноёб мотоцикллари бор ва бу мотоциклларнинг энг оддийси. Актёрнинг гаражидаги бошқа мисоллар тарихи ва нафислиги билан ажралиб туради, Scrambler эса тезлиги юқорилиги билан фарқланади.
Land Rover Range Rover 2019
Жейсон қандай турдаги машинани ёқтиришини билиш қийин, чунки унинг танлови оддий йўлтанламаслардан тортиб энг кўзга кўринганларигача. Жейсоннинг коллекциясида оқ Range Rover бор, папарацциларнинг суратларига қараганда, у дўконга шу машинасида боришни яхши кўради.
Oldsmobile 442
Агар 2021 йилги «Кичкинтой» фильмини томоша қилган бўлсангиз, Момоа қаҳрамони бошқарган машина 1970 йилда ишлаб чиқарилган Oldsmobile 442 эканини эсласангиз керак. Фильмда машинанинг кўриниши унчалик яхши бўлмайди, лекин суратга олишдан сўнг актёр машинани тўлиқ тиклайди. Шу йилнинг ёзида оммавий ахборот воситаларида актёрнинг ушбу Oldsmobile’да аварияга учрагани ҳақида хабарлар пайдо бўлди: Калифорния магистралларидан бирида автомобилга қарама-қарши йўлакка чиқиб кетган мотоцикл урилади. Яхшиямки, ЙТҲ иштирокчилари жиддий жароҳат олмаган, мотоциклчининг айрим жойлари кўкарган бўлса-да, текширув учун шифохонага юборилган.
Bentley Blower
Ўтган йили папараццилар Момоанинг тахминий нархи 300 минг доллар бўлган 70 йиллик Bentley машинасида Лондон маркази бўйлаб айланиб юргани акс этган кўплаб суратларни олишга муваффақ бўлди. Классик кабриолет 1952 йилда Speed 8 Tourer асосида 1920 йиллар услубида яратилган. Момоа ушбу тўқ яшил эски автомобилини ҳам Harley’ларидан бири каби яхши кўради.
Мавзуга доир:
Изоҳ (0)