BMW компанияси янги Х1 ва унинг «экологик» версиясини намойиш этди (фото)

BMW компанияси ихчам BMW Х1 нинг кроссоверининг учинчи авлоди ва иХ1 электроверсиясини тақдим этди, деб хабар беради Motor1.

Учинчи авлод BMW Х1 олдинги «силуэт»ини сақлаб қолган, бироқ вертикал чизиқли катта радиатор панжараси, 3-Series услубидаги янги оптика ва кўриниши ўзгарган бамберларга эга бўлган. Стандарт фаралари — ёруғлик диодли, қўшимча пул эвазига матрицали прожекторларни ўрнатиш мумкин.

Янги машина салони кўплаб ўзгаришларга учраган, иккита экранли ягона панелга эга бўлган. Қурилмалар панелининг диагонали 10,25 дюймни, медиатизимники эса 10,7 дюймни ташкил этади. Иқлим-назоратни бошқариш тизими экранга кўчирилган, оддий тугмалар деярли қолмаган.

Кроссовер ўзидан олдинги версиядан 65 килограммга оғирлашган: базавий версиянинг оғирлиги — 1500 килограмм. Олдинги авлод билан таққослаганда аэродинамик қаршилик коэффициенти 0,28 дан 0,26 га қадар туширилган. Юкхона сиғими 540 литр.

Машина харидорларга олтита модификацияда таклиф этилади:

• 136 от кучига эга 1,5 литрли турбоучликка эга олд узатмали бензинда ҳаракатланувчи сDrive18и;
• 150 от кучига эга 2,0 литрли тўрт цилиндрли моторга эга олд узатмали бензинда ҳаракатланувчи сDrive18д;
• 204 от кучига эга тўлиқ узатмали бензинда ҳаракатланувчи хDrive23и;
• 197 от кучига эга тўлиқ узатмали дизелда ҳаракатланувчи хDrive23д;
• 136 от кучили бензинли турбоучлик ва 109 от кучили электромоторга эга гибрид хDrive25э;
• 150 от кучили бензинли турбоучлик ва 177 от кучили электромоторга эга гибрид хDrive30э.

Савдолар октябрдан бошланади, гибрид ва электромобиль версиялари эса бозорга кейинроқ чиқади. Моделлар нархи ҳозирча ошкор этилмаган.