Музлаган ва терлаган ойналар, ифлос салон — буларнинг барчаси ҳайдовчиларга яхши таниш ҳолат. Ушбу мақолада вақт, пул ва асабларни тежашга ёрдам берадиган фойдали лайфҳакларни тўплаганмиз.
Ёқимсиз ҳидни кетказиш учун кийим қуритишда ишлатиладиган салфетка
Агар автомобилдаги ёқимсиз ҳиддан тезда қутулмоқчи бўлсангиз, кийим қуритишда ишлатилинадиган салфеткадан фойдаланинг. Уларни скотч билан ёпиштириб қўйиш ёки вентиляция тешикларига ўраб қўйиш мумкин. Ушбу тешиклардан чиққан ҳаво автомобиль ичида янги ҳид таради.
Автомобильдаги “вмятина”ни кетказиш учун вантуз
Аввал “вмятина” бўлган жойни тозаланг. Кейин устидан қайноқ сув қуйинг, вантузни ўша жойга босинг. Сўнгра “вмятина” текис бўлгунча ўзингизга эҳтиётлик билан тортинг. Зарур бўлса, мазкур ҳаракатларни яна такрорлаш мумкин.
Ҳаво совуқ бўлганда иссиқ сувдан фойдаланиш ярамайди. Акс ҳолда автомобиль бўёғи кўчиши мумкин.
Ойналар терлаганда соқол олиш кўпигидан фойдаланинг
Терлашнинг олдини олиш учун ойналарни яхшилаб тозалагандан сўнг, уларга соқол олганда ишлатиладиган кўпик ёки гел суртинг. Яхшилаб суртиб, бутун юзага тарқатинг — ортиқчасини қоғоз салфеткада олиб ташлаш мумкин.
Ойналарни газета билан тозалаш
Деразаларни артиш учун микрофибра латта ўрнига оддий газетадан фойдаланиш мумкин. Бу нафақат арзон, балки экологик тоза ҳам. Бундан ташқари, ювиш учун овора бўлиш шарт эмас.
Музлашдан ҳимояловчи пластик пакет
Ён ойналарни музлашдан ҳимоя қилиш учун уларни пластик пакет билан ўранг. Агар шунақаси бўлмаса, оддий целлофан пакетдан фойдаланинг, лекин бу ҳолда уларни скотчланг.
Ойналардаги музни кеткизишда пиёздан фойдаланинг
Ён ва олд ойнага кечаси қаттиқ совуқ тушмасдан олдин яримта пиёз суртинг. Бу усул ойналарда муз ҳосил бўлишининг олдини олишга ёрдам беради.
“Дворник”лар ойнага ёпишиб қолганда спирт ва пайпоқдан фойдаланинг
Кўпчилик “дворник”ларни юқорига кўтариб қўяди, чунки улар олд ойнага ёпишиб қолмаслиги керак. Бунинг ўрнига уларни спирт билан артиш тавсия этилади. Бундан ташқари, муз ҳосил бўлишининг олдини олиш учун “дворник”ларга эски пайпоқларни кийгизиб қўйиш мумкин.
Қор ва лойга ботиб қолганда асқатадиган “коврик”лар
Автомобиль “коврик”лари фақат салонни тоза сақлаш учун ишлатилмайди. Масалан, кичик бахтсиз ҳодиса юз бериб, қор ёки лойда қолиб кетган бўлсангиз, улардан фойдаланиш мумкин. Бундай ҳолда “коврик”ларни ғилдираклар остига қўйиш мумкин.
Изоҳ (0)