“Универсал аскар” (1992), “Қочишга жой йўқ” (1993), “Қалтис нишон” (1993) каби фильмлар юлдузи, таниқли америкалик актёр Жан-Клод Ван Дамм жорий йил 18 октябрь куни ўзининг туғилган кунини нишонлади.
64 ёшни қарши олган юлдуз 1990 йилларда Голливуднинг жангари фильмларидаги роллари туфайли шуҳрат қозонган. Актёр ўз фаолияти давомида кўплаб машиналарни алмаштирган. Қуйида Жан-Клод Ван Даммнинг энг севимли машиналари ҳақида маълумот берамиз.
McLaren P1 Gemballa
Ушбу гиперкар биринчи марта 2013 йилда Германиянинг Gemballa ва Буюк Британиянинг McLaren компаниялари томонидан ишлаб чиқарилган. Ван Даммга уни 2016 йилда 1 миллион долларга харид қилган. Актёр машинасининг тормоз тизимини созлашга ва салон ички безакларига катта сармоя киритган. Автомобиль двигатели 916 от кучига эга. McLaren P1 Gemballa машинасида V8 бензинли двигатель ўрнатилган бўлиб, у автомобиль 349 км/соатгача тезликка чиқишга қодир.
Bentley Continental GT
Кундалик эҳтиёж учун тез-тез ишлатиладиган машина сифатида Ван Дамм соддароқ русумдаги автомобилни танлади. Bentley Continental GT гибрид машинаси 6 литрли двигатель ва 625 от кучига эга. Актёр ушбу машинанинг биринчи ва иккинчи авлодларини ҳайдаган. Иккала автомобиль ҳам кабриолет — усти ташлаб-йиғиб қўйиладиган кузовга эга бўлган.
Lamborghini Gallardo Spyder
Мазкур автомобиль Голливуд юлдузининг севимли машинаси бўлиб, Ван Дамм бир неча марта уни ҳайдаш вақтида папарацси камераларига тушган. Ҳозирда 560 от кучига эга двигатель билан жиҳозланган Lamborghini Gallardo Spyder автомобили ишлаб чиқарилмайди. 2005 йилда харид қилинган мазкур суперкар ҳали ҳам Жан-Клод машиналар коллекциясидан ўрин олган.
Шу билан бирга, кикбоксинг бўйича собиқ жаҳон чемпиони бўлган Жан-Клод Ван Даммнинг бисотида бошқа суперкарлар ҳам бўлган, жумладан: Ferrari 458 Spider, Bentley Azure, Linkoln Continental, Dodge Charger, BMW М3 ва Х5, шунингдек, Mercedes-Benz GLE, Gelandewagen ва E-class автомобиллари бир неча йиллар давомида актёрга тегишли бўлган.
Изоҳ (0)