Chevrolet компанияси Equinox янги электрокроссоверининг тизер кампаниясини давом эттирмоқда. Бу сафар қисқа роликда моделнинг салони, хусусан, мултимедиа тизими учун мўлжалланган улкан экран, рақамли қурилмалар панели ва милтилловчи «подвеска»си намойиш этилган. Роликда ҳаво дефлекторларининг ноодатий дизайнига алоҳида эътибор қаратилган, деб хабар беради Motor.
Видеода кўрсатилганидек, панелга ўрнатилган атмосфера «подвеска»си бир неча хил рангга эга бўлган, рангли тасвир эса тўрли тузилишга эга. Виртуал қурилмалар ва мултимедиа тизимининг экрани битта ойна остига жойлаштирилмасдан, алоҳида ўрнатилган. Шунингдек, роликда «йўқолиб қолувчи» марказий туннел намойиш этилган бўлиб, унда майда буюмларни сақлашга мўлжалланган бўлма мавжуд.
Кроссовер Silverado EV пикапи каби Ultium модуль платформасида ишлаб чиқарилган. Машина бир марта қувватланиш орқали 400-480 километр йўл босишга қодир аккумулятор билан жиҳозланган. Аввалроқ Equinox EV ҳамёнбоп модель бўлиши ҳақида айтилганди. У Америка дилерлари томонидан бир йилдан сўнг сотувга чиқарилади.
Chevrolet Equinox EV бозорга 2023 йилнинг кузида чиқиши кутилмоқда — моделнинг ҳам батареяли, ҳам бензинли вариантлари бир вақтда сотилаверади. Дастлабки ҳисоб-китобларга кўра, электромоторга эга Equinox 30 минг доллар атрофида бўлади.
Аввалроқ Хитойда Roewe RX5 ёнга силжитиш мумкин бўлган улкан экранга эга бўлгани тўғрисида хабар берилганди.
Изоҳ (0)