Hyundai Motor Group кўзнинг рангдор пардаси ёрдамида инсонни таниш технологияси учун патент аризасини берди. АҚШ Патентлар ва савдо маркаларини рўйхатга олиш бюроси (USPTO) биометрик идентификациянинг янги усули Hyundai’нинг келажакдаги машиналарида пайдо бўлиши мумкин. Автомобиль том маънода ўт олишдан олдин ўз эгасидан «кўзга қарашни» талаб қилади, деб хабар беради Motor.
Сканер олд ўриндиқдаги инсон кўзининг рангдор пардаси тасвирини танийди, шундан сўнг тизим уни автомобиль эгасига тегишли маълумотлар билан солиштиради. Шунингдек, инфрақизил камера ҳам бўлиб, у кўзни қоронғида танийди ва қора кўзойнак ортидан ҳам таний олади. Зарурат туғилганда тизимнинг ўзи тасвирни ёритади ёки ҳайдовчини танишдаги қийинчиликлар ҳақида огоҳлантиради.
Тизим ўз эгасини «таниши» билан двигателни ўт олдиришга рухсат беради, шунингдек, ҳайдовчи ўриндиғи ва тегишли созламаларни ўз ҳолига қайтаради.
Кўзнинг рангдор пардасининг идентификацияси — ноёб тасвир бўлиб, деярли хатоликларга йўл қўймайди. Бундан ташқари, танишдаги жисмоний алоқанинг йўқлиги худди бармоқ изини босгандаги каби чанг ва ёғ тўпланишига олиб келмайди.
Шунча фойдали жиҳатларига қарамай, Hyundai анъанавий калитлардан воз кечиши даргумон. Ҳар сафар рулга ўтирганда ёруғликни кузатиш ёки кўзойнакни ечиш ёқимсиз омилга айланиши мумкин. Шунингдек, бунда бошқарувни бошқа инсонга, масалан, дўсти ёки оила аъзосига қандай топширилиши номаълум. Ва ниҳоят, электрон тизимлардаги носозликлар ҳам содир бўлиши мумкин.
Эслатиб ўтамиз, 2020 йилнинг июнида BMW компанияси Apple билан ҳамкорликда янги Digital Key функциясини тақдим этганди. Унинг ёрдамида компаниянинг барча янги автомобилларини калит ишлатмасдан очиш мумкин.
Изоҳ (0)