Шундай фильмлар борки, бир неча ўн йиллар ўца ҳам томошабин уларни кўришдан чарчамайди. Қуйида ўтган аср охирларида суратга олинган фильмлардаги машҳур саҳналарни қайта ижро этиш орқали фильмга янги ҳаёт бағишлаган актёрлар ҳақида сўз боради.
Марк Руффало ва Женнифер Гарнер — “13 дан 30 гача”
“13 дан 30 гача” номли комедияда бош ролларни ижро этган Марк Руффало ва Женнифер Гарнернинг қучоқлашган сурати фильм тимсолига айланган эди. Орадан 20 йил ўтгач улар худди шу саҳнани “Адам лойиҳаси” фильмининг реклама компанияси учун такрорлашга қарор қилди.
Ума Турман, Жон Траволта ва Самуэл Л. Жексон — “Жиноий асар”
Мазкур фильмдаги энг машҳур саҳна — бу Жон Траволта ва Ума Турманнинг ресторанда ажойиб рақсга тушишидир. Рақс ҳақиқатан ҳам ноодатий ижро этилгани туфайли Траволтанинг ҳаракатлари ҳануз пародия қилинади.
2022 йилда бўлиб ўтган “Оскар” мукофотини тақдирлаш маросимида актёрлар Самуэл Жексоннинг олдида машҳур рақсини такрорлади.
Леонардо Ди Каприо, Кейт Уинслет ва Жона Ҳилл — “Титаник”
Узоқ йиллик дўстлар Ди Каприо ва Ҳилл “Шанба оқшомидаги жонли эфир” дастурида “Титаник” фильмидаги кема саҳнасини пародия қилишди. Леонардо дўсти Жонани орқасидан қучоқлаб олди. “Мен учяпманми, Жек?”, — деб сўраган Жонага Лео: “Ҳа, Роуз, ҳа, сен учяпсан”, — дея жавоб қайтарди.
Кетрин O’Ҳара — “Уйда ёлғиз”
“Уйда ёлғиз” фильми учун сценарий Жон Хьюз томонидан ёзилган ва у фильмга режиссёрлик қилишни истаган, бироқ муваффақиятсизликка учрашдан қўрққан Хьюз режиссёрлик курсисини Крис Колумбга топширган. Кейинчалик у ўзининг қатъиятсизлигидан анча афсусланган.
Жон Хьюз 2009 йилда вафот этди ва 2021 йилда унинг фильмларида суратга тушган актёрлар севимли фильмлар муаллифига ҳурмат бажо келтириш учун бирлашишга қарор қилди ва ўзларининг машҳур саҳналарини мустақил видеога олишди. Молли Рингуолд, Мириам Флинн, Майкл Холл, Чеви Чейс, Стив Мартин, Майкл Китон ва бошқалар фильмдаги саҳналаридан бирини такрорлади. Кевиннинг онаси ролини ўйнаган актриса Кетрин O’Ҳара ўғлини унутиб қолдирган саҳнани қайта ижро этди ва “Кевин” деб бақириб, ҳушидан кетди. Мухлислар ўзлари учун қадрли бўлган кадрларни яна бир бор кўришдан мамнун бўлди.
Том Ҳолланд, Тоби Магуаер ва Эндрю Гарфилд — “Ўргимчак одам: уйга йўл йўқ”
Учта ўргимчак одамнинг бир-бирига қарата ишора қилаётган мем узоқ йиллардан бери интернет оламида энг кулгили ҳазиллардан бири бўлиб келган. “Ўргимчак одам: уйга йўл йўқ” фильмида актёрлардан Том, Тоби ва Эндрюлар мемни такрорлади. Ғоя мухлислар томонида ўйлаб топилган эди. Мазкур расм Marvel ва Sony’нинг ижтимоий тармоқлардаги саҳифаларида ҳам жойланган.
Изоҳ (0)