Афсонавий хонанда Майкл Жексон поп маданиятида ёрқин из қолдирди. Юлдуз 2009 йил 25 июнь куни 50 ёшида ҳаётдан кўз юмди.
Унинг яқинлари поп-қирол вафотининг 15 йиллиги муносабати билан Майкл Жексон хотирасига ҳурмат бажо келтирди. Жексоннинг ўғли, акалари ва жияни ижтимоий тармоқларда умумий ҳештег остида Жексонни ёдга олди.
Майкл вафот этганида хонанданинг тўнғич ўғли Жозеф Жексон 12 ёшли ўсмир эди. У ижтимоий тармоқдаги саҳифасида 1993 йилда Super Bowl ХXVII шоусида болалар билан бирга чиқиш қилганда табассум қилаётган отаси суратини жойлаштирди.
“Сизни соғиндик. Сиз билан бу дунё янада гўзал бўлган эди”, — деб ёзди поп қиролининг 27 ёшли ўғли.
Фото: People
Марҳум хонанданинг акаси, 73 ёшли Жеки Жексон ҳам укаси Майклни хотирлаб, ижтимоий тармоқда ўз ҳис-туйғулари билан бўлишди:
“Сенсиз 15 йил вақт ўтиб кетганига ишониш қийин. Биз сени ҳар куни соғинамиз”, — деб пост қолдирди Жеки.
Поп-юлдузнинг 70 ёшли акаси Тито ҳам укасини ёдга олди ва унинг портрети остида “Майкл Жексонсиз 15 йил”, “Жуда тез ўтди”, “Ҳар доим қалбимизда”, “Соғиндим”, “Изоҳ йўқ” ҳештегларини қўйди.
Титонинг 45 ёшли ўғли Тижей (TJ) ҳам марҳум амакисига ҳурмат бажо келтирди:
“Мен сизни жуда соғиндим Майкл амаки. Мен учун қилган барча яхшиликларингиз учун раҳмат. Сиз мен учун абадий куч, тўғри йўл кўрсатувчи ва эзгулик манбаи бўлгансиз. Мен доимо ўзимни энг бахтли жиян сифатида ҳис қилганман. Биз сизни абадий яхши кўрамиз”, — деб ёзди Тиджей.
Афсонавий қўшиқчининг ўлим сабаби ҳануз номаълум. Баъзи тахминларга кўра, у пропофолнинг меъёрдан ортиқ дозаси туфайли жон берган. Инексиянинг нотўғри дозасини Жексоннинг шахсий кардиологи юборган.
Майкл Жексон ҳақидаги биопик фильм тез орада мухлисларга ҳавола этилади, унда бош ролни қўшиқчининг жияни Жаафар Жексон ижро этади. Фильм намойиши 2025 йил 18 апрелда бўлиши кутилмоқда. Фильм продюсери Грем Кинг, сценарий муаллифи эса Жон Логандир. Фильм режиссёр Антуан Фукуа (“Адолат тарафдори”, “Ажойиб еттилик”) томонидан суратга олинади.
Изоҳ (0)