Поп мусиқа қироли Майкл Жексоннинг фарзандлари омма эътиборига тушишни ёқтирмайди, улар доимо яширин ҳаёт тарзини олиб боради. Афсонавий қўшиқчининг меросхўрлари турли кечалар ва зиёфатларда, ижтимоий йиғилиш ва оммавий тадбирларда ҳеч қачон иштирок этмайди.
Бироқ машҳурнинг фарзандлари куни кеча бўлиб ўтган шаҳзода Эдуард театридаги спектаклда кўриниш берган. Бу ҳақда People Talk нашри хабар бермоқда.
Лондондаги театрга Майклнинг 25 ёшли қизи Перис Жексон ва ўғиллари 27 ёшли Принс Жексон ва 22 ёшли Принс Бланкет Жексон II расмий кийимда ташриф буюрди.
Поп афсонаси икки маротаба оила қурган. 1994 йилда у Лиза Мария Преслига Доминикада уйланган. Афсуски, икки йил ўтгач ёш оила ажримга келган.
Фото: ‘‘Правила Жизни’’
1996 йилда Майкл Дебби Роу исмли аёлга уйланган. Уларнинг икки нафар Перис Жексон ва Принс Жексон исмли фарзандлари бор. Уч йилдан сўнг улар ҳам ажрашди.
Миш-мишларга кўра, Жексоннинг учинчи фарзанди — Принс Бланкет Жексон II суррогат она ёрдамида дунёга келган.
Фото: ‘‘Правила Жизни’’
Поп қироли Майкл Жексон 2009 йил 25 июнь куни 50 ёшида вафот этди. Афсонавий қўшиқчининг ўлим сабаби ҳануз номаълум. Баъзи тахминларга кўра, у пропофолнинг меъёридан ортиқ дозаси туфайли жон берган. Инъекциянинг нотўғри дозасини Жексоннинг шахсий кардиологи юборган.
Изоҳ (0)