Юлдузлар билан ҳамкорликда ишлаш кўпчиликнинг орзуси. Бироқ ҳашаматли ҳаёт ва катта даромад топишни таклиф қилувчи юлдузлар билан ишлашнинг мураккаб томонлари ҳам бор. Мисол учун, яқиндагина хонанда Мадонна ўз ходимларини интизомсизлик учун қандай жазолаши маълум бўлди.
Бир неча йиллардан буён Мадонна билан ишлаб келаётган ва унинг яқин дугонасига айланган телебошловчи Керри Энн Инаба хонанда раққосларни интизомсизлик учун қандай жазолаши ҳақида гапириб берди.
“Мадонна авваллари жуда қаттиққўл бўлган. Унинг битта қоидаси бор эди, ушбу қоида учун Мадоннадан ҳар доим миннатдорман. Қоидага кўра, кеч қолган ҳар бир дақиқангиз учун ойлик маошдан 100 АҚШ долларидан ушлаб қолинарди”, – дейди Керри.
Ўта қатъий, шу билан бирга адолатли жазо. Инабанинг айтишича, Мадонна билан бирга ишлайдиган раққослар бунинг нима эканлигини жуда яхши билишади. Шунинг учун ҳам концертларга тайёргарлик жараёнларида раққослар жамоаси билан интизомга оид ҳеч қандай муаммо юзага келмайди.
Керри шунингдек, бундан бир неча йил илгари Мадоннанинг раққослар гуруҳи таркибига кириш кўпчиликнинг орзуси ва деярли имконсиз иш бўлганини таъкидлади.
“У вақтларда Майкл Жексон, Принс ва Мадонна машҳурлик чўққисида эди. Ўша вақтларда Мадонна билан гастрол сафарига чиққанман ва “Менга керак бўлган нарса мана шу эди” деб ўйлаганман”.
Изоҳ (0)