Ҳеч ким мол-мулкини боқий дунёга ўзи билан олиб кета олмайди, аммо шундай инсонлар борки, вафотидан кейин ҳам уларинг даромади ошишда давом этмоқда. Қуйида оила аъзолари ва авлодларини узоқ муддатга молиявий таъминлай олишга муваффақ бўлган марҳум юлдузларни ёдга оламиз.
Майкл Жексон
Афсонавий хонанда Майкл Жексон поп маданиятида ёрқин из қолдирди. Юлдуз 2009 йил 25 июнь куни 50 ёшида ҳаётдан кўз юмди, аммо у ўзининг миллионлаб долларлик даромади билан кўплаб тирик ҳамкасбларидан бойроқдир. Ҳатто “Неверландни тарк этиб” шов-шувли ҳужжатли фильми сабабли 2005 йилда Майкл Жексонни болаларга нисбатан зўравонликда айблашган ва у адвокатлар, товон пули учун миллионларни сарфлаган бўлса ҳам, юлдузнинг даромадларига путур етмаган.
Мерилин Монро
Машҳур актрисанинг ўлими ҳали ҳам сирлигича қолмоқда. Актрисанинг жасади 1962 йили 4 августдан 5 августга ўтар кечаси Лос Анжелесдаги уйидан топилган. Мерилин Монро ҳақиқатан ҳам ўзини заҳарлаб жонига қасд қилганми ёки у аслида Америка разведка хизмати томонидан ўлдирилганми, ҳали ҳам номаълумлигича қолмоқда. Аммо 64 йилдан кейин ҳам Монро дунёдаги энг “қиммат” юлдузлардан бири бўлиб қолмоқда. Унинг исми ва суратидан юзлаб турли брендлар фойдаланади, бу эса Мерилиннинг меросхўрларига катта даромад келтиради.
Фредди Меркюри
Ноябрь ойининг охирида хонанда Фредди Меркюри ОИTСдан вафот этганига 33 йил тўлади, лекин у ҳали ҳам миллионлаб доллар ишлаб топади. Бунга 2018 йилда суратга олинган “Богемия Рапсодияси” фильми катта ёрдам берди. Фильм кассада деярли бир миллиард доллар ишлаб топди, уларнинг бир қисми юлдузнинг меросхўрларига ўтди. Шу билан бирга, мазкур фильм Queen гуруҳининг қўшиқларига ўзгача машҳурлик олиб келди. Бу эса гонорар ва турли эсдалик совғалар савдосини оширишга хизмат қилди.
Жон Леннон
Афсонавий Тhе Веatles гуруҳи аъзоларидан бири Жон Леннон қарийб 44 йил аввал вафот этган, аммо у ҳали ҳам энг кўп маош олувчи ижрочилар рейтингини тарк этмаяпти. Британиялик мусиқачи бугунги кунда ҳам машҳур бўлиб, унинг қўшиқлари меросхўрларига жуда катта даромад келтиришдан тўхтамаяпти.
Элвис Пресли
Рок-н-ролл қиролининг ўлими ҳанузгача қизғин мунозараларга сабаб бўлмоқда ва унинг кўплаб мухлислари буни қўшиқчи томонидан саҳналаштирилган деб ҳисоблашади. Forbes маълумотларига кўра, Элвис ҳар йили 30 миллион долларга яқин пул топади. Хит қўшиқларидан ташқари, Преслининг машҳурлар уй-музейига айлантирилган Graceland номли саройи меросхўрларга мўмай даромад — йилига 10 миллион доллар олиб келади.
Боб Марли
Машҳур регги қўшиқлари муаллифи 1981 йилда саратон касаллигидан вафот этди, аммо бутун дунёдаги кўплаб мухлислар учун эзгулик тимсоли бўлиб қолди. Марли атиги 36 йил яшади ва шу вақт ичида у 11 нафар фарзанднинг отаси бўлди ва яна иккита болани асраб олди. Хонанданинг барча меросхўрлари отаси томонидан тўлиқ таъминланган, чунки улар ҳали ҳам Марлининг нафақат қўшиқларидан, балки унинг бренди остида чиқарилган колонкалар, қулоқчинлар, футболка каби турли товарлар сотувидан ҳам даромад олишади.
Арнольд Палмер
Вафотидан кейин ҳам оиласини таъминлаб келадиган инсонлар орасида шоу-бизнес юлдузи бўлмаган спортчи — 2016 йилда юрак хуружидан вафот этган машҳур голфчи Арнольд Палмер ҳам бор. Унинг номи остида йилига бир неча миллион доллар даромад келтирадиган ичимлик ишлаб чиқарувчи бренд мавжуд. Шунингдек, унинг оиласи МастерCард ва футболкалар ишлаб чиқарадиган фабрикалар билан шартнома тузган. Уларда Палмернинг логотипи туширилгани ҳисобига меросхўрлар ҳар йили катта даромад кўради.
Коби Брайант
Машҳур америкалик баскетболчи 2020 йилда қиз фарзанди билан вертолёт қулаши оқибатида вафот этган. Брайантнинг яна учта қизи ва рафиқаси ҳамон унинг реклама битимлари орқали даромад олишади.
Изоҳ (0)