Голливуднинг энг яхши тансоқчилари: Меган Маркл, Бейонсе ва бошқа юлдузларни кимлар қўриқлайди?

Юлдузлар ҳамроҳ излашлари шарт эмас — улар қаерга боришларидан қатъи назар, яқин атрофда доимо тансоқчиси бўлади.

Меган Маркл

 

 

Саройдаги ҳаётдан воз кечиб, Голливудга кўчиб ўтган Сассекс герцогиняси 2016 йилда Ким Кардашяннинг собиқ қўриқчисини шахсий тансоқчи сифатида ёллади.

Инсайдерлар Маркл бу қўриқчини хавфсизлик учун эмас, балки ўз таъсирини кучайтириш ва хайп учун танлаганини айтишмоқда. Шаҳзода Гарри Лондонда отасининг тож кийиш маросимидалигида, у Меганга тоғда сайр қилишда ҳамроҳлик қилган. Бундан аввал улар маст ҳолда машина ҳайдаганликда айблаб, Майкл Жексоннинг собиқ қўриқчиси Альберто Альваресни ишдан бўшатишган эди.

Бейонсе

Бейонсе ва Жей-Зи ҳар доим бир нечта тансоқчилар билан юришади, аммо Жулиус де Бур уларнинг энг узоқ вақт хизмат қилган қўриқчиси ва энг келишгани ҳамдир. У 2008 йилдан бери бу оила билан бирга ва ўз вазифаларига жуда жиддий ёндашади.

“Жисмоний ва психологик жиҳатдан мослашиш бу — сиз эга бўлишингиз керак бўлган биринчи рақамли хусусиятдир”, — дейди у Variety нашрига.

Белла Ҳадид

Саймон Нютон Голливуднинг энг талабгир тансоқчиларидан бири. Собиқ аскар Майкл Жексон, Кендалл Женнер, Рита Ора, Наоми Кемпбелл ва Кейт Моссни ҳам қўриқлаган. У машҳурлар оламидаги фаолиятини 2006 йилда бошлаган.

“Машҳурнинг хавфсизлигини назорат қилганингизда ҳеч қачон бўш вақтингиз бўлмайди. Саёҳатга тайёргарлик жуда кўп вақт олиши мумкин. Бундан ташқари, иш куни узоқ, сиз улардан олдин уйғонасиз ва улардан кейин ётасиз. Кунига 16 соат, ҳафтада етти кун ишлашга ҳам тўғри келади”, — дейди Саймон.

Кайли Женнер

Тансоқчилар одатда ўзларининг машҳур мижозлари соясида қолади, аммо 2018 йилда Кайли Женнернинг қизи Stormининг ҳақиқий отаси эканлиги ҳақидаги миш-мишлар тарқалгач, Тим Чанг кутилмаганда машҳур бўлиб кетди. Натижада Чанг бу маълумотни расман рад этишга мажбур бўлди.

“Кайли, Тревис ва уларнинг қизига бўлган чуқур ҳурматим сабаб Кайли ва унинг оиласи билан алоқаларим фақат иш юзасидан бўлганини айтмоқчиман”, — дейди қўриқчи.

Бир вақтлар Тим опа-сингиллар — Кайли, Ким ва Кортни ҳамда уларнинг фарзандларини қўриқлаган. Чанг Лос-Анжелес полициясида ҳам ишлаган ва унинг ажойиб кўриниши анчадан бери моделлик агентларини ўзига жалб қилади.