Майкл Жексоннинг онаси унинг вафотидан сўнг 55 миллион доллар ишлаб олган

Поп қироли Майкл Жексон 2009 йил 25 июнь куни 50 ёшида вафот этди. Афсонавий қўшиқчининг ўлим сабаби ҳануз номаълум. Баъзи тахминларга кўра, у пропофолнинг меъёридан ортиқ дозаси туфайли жон берган. Инекциянинг нотўғри дозасини Жексоннинг шахсий кардиологи юборган.

Майкл Жексон вафотидан сўнг унинг расмий ва ягона меросхўри — қўшиқчининг онаси Кетрин Жексон эди. Буни санъаткор шахсан васият қилиб қолдирган. Унинг уч нафар фарзанди эса 30 ёшга тўлгандан кейингина меросдан мустақил равишда фойдаланиш ҳуқуқига эга. People Talk нашрининг хабар беришича, Майкл Жексоннинг мулки учун кураш ҳамон давом этмоқда.

Кетрин Жексон 2009 йилда Майклнинг ўлимидан сўнг катта миқдорда мерос ва турли тўловларни олган. У 15 йил ичида жами 55 миллион доллардан ортиқ маблағга эга бўлган.

Майкл Жексон ҳақидаги биопик фильм тез орада мухлисларга ҳавола этилади, унда бош ролни қўшиқчининг жияни Жаафар Жексон ижро этади. Фильм намойиши 2025 йил 18 апрелда бўлиши кутилмоқда. Фильм продюсери Грем Кинг, сценарий муаллифи эса Жон Логандир. Фильм режиссёр Антуан Фукуа (“Адолат тарафдори”, “Ажойиб еттилик”) томонидан суратга олинади.