Улар ноёб истеъдоди туфайли ҳаёти давомида машҳурлик ҳамда яхши даромад олишга эришган. Шунингдек, вафотидан кейин ҳам уларнинг ўчмас исми миллионлаб пул топишда давом этмоқда.
Майкл Жексон
Мусиқачи, раққос, актёр – Майкл Жексон ҳаёти давомида 25 марта Гиннеснинг рекордлар китобига кирган, 15 та “Гремми” мукофотига сазовор бўлган. Ҳаёти давомида у поп қироли унвонига эга бўлган. Forbes маълумотларига кўра, фақат 2017 йилнинг ўзида Жексон 75 миллион доллар “ишлаб топган”. Бу даромад манбалари EMI мусиқий каталогидаги улуш ва Cirque du Soleil Лас-Вегасдаги шоусида ижро этилган Майклнинг қўшиғи эди.
Курт Кобейн
Ўтган асрнинг 90 йилларида машҳурликка эришган “Smells like teen spirit” муаллифи – Курт Кобейн 27 ёшида уйида ўзини отиб ўлдирган. Ҳозирда унинг қизи Френсис ҳар ой муаллифлик ҳуқуқи учун 102 000 доллар олади. Марҳум рок юлдузи қизининг ҳисобида 11 миллион доллардан ортиқ маблағ бор.
Элвис Пресли
Forbes маълумотларига кўра, Элвис ҳар йили 30 миллион долларга яқин пул топади. Қўшиқчининг оиласи энг катта даромадни унинг Мемфисдаги уйи – Грэйслендга йўлланмаларни сотишдан олади. Мусиқачи 40 йил олдин вафот этгани ҳисобга олинса, бу унчалик ёмон эмас.
Боб Марли
Бобнинг ворислари Мarley Beverage Cо. компанияси ва House оф Марлей бренди остидаги қулоқчинларга асос солди. Ва, албатта, пул альбом савдосидан келади – умуман, Боб ҳозир йилига, тахминан, 23 миллион доллар ишлаб топади.
Жон Леннон
Ўтган 25 йил ичида гуруҳнинг альбоми АҚШнинг ўзидагина 65 миллиондан ортиқ сотилди. Тhе Веаtlеs юлдузи Жон Леннон ҳали ҳам 12 миллион долларга яқин даромад олади.
Бетти Пейж
Америкалик модель Бетти Пейж вафотидан кейин ҳам лицензияланган кийим ва сумкаларни муваффақиятли “сотмоқда”. У йилига 11 миллион доллар “ишлаб топади”.
Элизабет Тейлор
Буюк америкалик актрисанинг исми билан White Diamonds атир-упаси ишлаб чиқарилади ва сотишдан тушган умумий даромад йилига 8 миллион долларни ташкил этади.
Изоҳ (0)