Агар махсус эффектлар бўлмаганида, миллионлаб томошабинлар севадиган кўплаб машҳур фильмларни яратиш имконсиз бўларди. Компьютер графикаси ёрдамида бошқа оламлар, ғайриоддий қаҳрамонлар билан танишиш ва бутунлай ўзга даврга саёҳат қилиш мумкин. Уларда бўлаётган воқеалар ростдан ҳам ҳақиқийдек кўринади.
“Қасоскорлар: ўйин охири” (2019) — 356 миллион доллар
Бугунги кунда Marvel кинооламида энг қиммат франшизалардан бири бўлган “Қасоскорлар: ўйин охири” катта жамоавий фильм ҳисобланади. Жуда кўплаб маскан ва эпизодлар компьютер графикаси ёрдамида кўрсатилган. Албатта, супер қаҳрамонлар ўртасидаги кенг кўламли жангларини ўтказиш учун ҳам махсус эффектлардан фойдаланиш керак эди.
“Юра даври дунёси 2” (2018) — 170 миллион доллар
Бир пайтлар 90 йилларнинг бошларида Стивен Спилберг томонидан суратга олинган динозаврлар ҳақидаги машҳур фильмнинг қайта суратга олиниши аввалгисидан, биринчи навбатда, махсус эффектлари билан фарқ қилади. Воқеаларнинг нафақат ёввойи табиатли оролда содир бўлиши, балки динозаврларнинг турлари ҳам бир неча бор кўпайган. Албатта, уларнинг ҳаммаси компьютер графикасида чизилган.
“Юлдузлар жанги: куч уйғониши” (2015) — 245 миллион доллар
Lucasfilm Disney корпорациясига сотилгандан сўнг Жорж Лукаснинг афсонавий франшизаси қайтишини дунё бўйлаб миллионлаб мухлислар кутди. “Юлдузлар жанги: куч уйғониши” VI қисм воқеаларидан 30 йил ўтган, қаҳрамонлар ва ёвузларнинг янги авлоди узоқдаги галактикадаги кучларни ғазаблантирди. Табиийки, томошабинлар кўплаб сайёраларда кенг кўламли космик жанглар акс этган саҳналар бўлишига ишонди. Буларнинг барчаси картинага катта сармоя киритишни талаб қилди.
“Қасоскорлар” (2012) — 220 миллион доллар
Marvel’нинг навбатдаги жамоавий фильми томошабинларни ҳайратда қолдирди. Бундан олдинги фильмларда Ер ҳимоячилари алоҳида даромад йиғиб, студия бошлиқларининг амбицияларини тўлиқ қоплаганига кўпчилик ишонмайди. “Қасоскорлар” картинасида ҳам махсус эффектлар ёрдамида кўплаб қаҳрамонлар Ер сайёрасини забт этишни орзу қилган ёвузликнинг глобал кучларига қарши туриш учун бирлашади.
“Кариб денгизи қароқчилари: номаълум соҳилларда” (2011) — 250 миллион доллар
Франшизасининг тўртинчи боби Жонни Депп ижро этган капитан Жек Читтакнинг янги саргузаштлари ҳақида. Тўртинчи қисмда Жекнинг саргузаштлари бир неча жойларда содир бўлади. Муаллифлар томошабинни дунёнинг турли бурчакларининг маданий-меъморий хусусиятлари ва улардаги қароқчилик урф-одатлари билан таништиришга қарор қилди. Денгиз жангларининг кўплиги билан бирга, бир қанча ёрдамчи белгилар учун махсус эффектлардан катта сармоя эвазига фойдаланилди.
“Алиса мўжизалар мамлакатида” (2010) 150-200 — миллион доллар
Сюрреализм даҳоси Тим Бёртоннинг “Алиса мўжизалар мамлакатида” номли асари ақл бовар қилмас саргузаштлар ҳақида ҳикоя қилади. Унинг “Алиса” версияси ўта қўрқинчли бўлса-да, лекин барибир машҳур китобга асосланган. Сирли ва ноодатий муҳит табиий равишда махсус эффектлар ёрдамида яратилган.
“Аватар” (2009) − 237 миллион доллар
Янги минг йилликнинг асосий фильми кино тарихида энг юқори даромадли картиналардан бири сифатида абадий қолди. Аниқ сабабларга кўра, бюджетнинг муҳим қисми махсус эффектларга сарфланган: сирли ва олис Пандора сайёрасида яшовчи одамлар ва маҳаллий аҳоли ўртасидаги жанглар воқеалари экзотик табиатда содир бўлади.
“Трансформерлар” (2007) — 150 миллион доллар
Майкл Бейнинг фильми автоботлар ва десептиконлар ўртасидаги қарама-қаршилик ҳақида. Улар минг йиллар давомида урушда бўлган ва Ер улар орасидаги янги жанг майдонига айланган. Ажабланарлиси шундаки, қарама-қаршиликни сақлаб қолиш ва тугатиш имконияти ёш ва тажрибасиз ўсмир Сем Уитвиккининг қўлида. Роботлар ва уларнинг ўзгариши компьютер графикаси ёрдамида чизилган. Фильмдаги воқеаларнинг аксарияти яшил экранда тасвирга олинган.
“Ўргимчак одам 3: кўзгудаги душман” (2007) — 258 миллион доллар
Сем Реймининг кичик франшизасининг учинчи боби ҳам супер қаҳрамон ўргимчак одамнинг саргузаштлари ҳақида. Бу бобда антагонистлар билан жанглар махсус эффектлар туфайли юқори сифатда бўлиши мумкин. Сеҳрли тўр, қум, портлашлар ва вайрон бўлган бинолар ёрдамида тўқнашувда хато топиш жуда қийин, ҳамма нарса иложи борича мукаммал тарзда бажарилган.
Кинг Конг (2005) − 207 миллион доллар
Маҳоратли режиссёр Питер Жексон 2000 йилларнинг ўрталарида машҳур Кинг Конг ҳақидаги фильмни қайта суратга олишга қарор қилди. Ўша пайтларда фильм катта пулга тушди, чунки улар бутунлай компьютер графикасидан фойдаланган ҳолда улкан гориллани яратишга мажбур бўлди ва 40-50 йиллардаги фильмларда бўлгани каби қўғирчоқдан фойдаланмади. Бюджетнинг катта қисми Кинг Конгни яратишга, шунингдек, фильмнинг бошқа эпизодларига сарфланди. Яхшигина сармоя киритилгани учун ҳам кино харажатларни қоплашга муваффақ бўлди.
Изоҳ (0)