Голливуд актёрлари орасида фильмдаги ролларнинг қайсидир жиҳати ёқмагани учун ката гонорардан воз кечганлари ҳам бор. Уларнинг айримлари бу роллардан бош тортганидан афсусланса, айримлари аксинча, ҳаётидаги бошқа муҳим қарор туфайли машҳурликка эришган.
Киану Ривз — “Тезлик 2: Круиз назорати”
Сценарий ҳақида гап кетганда, Киану Ривз ўзининг бор профессионаллиги ва сезгирлигини ишга солади. Актёр мураккаб трюклар амалга ошириладиган кўплаб лойиҳаларда суратга тушган. Киану Ривз Сандра Буллок билан “Тезлик” фильмида бош ролни ижро этган. Ушбу фильмнинг суратга олиш майдончаси жуфтлик бир-бирига кўнгил қўйган, бироқ иккаласи ҳам ўз ҳис-туйғуларини тан олишдан, рад этилишдан қўрққан.
Бу ҳис-туйғулар уларни фильмнинг давомий қисмида рол ўйнашга ундаши мумкин эди, бироқ Киану фильмнинг иккинчи қисмининг сценарийсини ўқиб чиққач, унга 12 миллион доллар таклиф қилинган бўлса ҳам, ролдан бош тортди. Актёр бу лойиҳанинг ўрнига “Иблис ҳимоячиси” фильмида рол ўйнади. Дастлаб Сандра Буллок ҳам бу лойиҳа борасидаги таклифни рад этди, бироқ у бошқа фильмни суратга олиш учун зарур бўлган пулни топишга қарор қилди.
Брюс Уиллис — “Чегарасиз 3”
Брюс Уиллис “Ўтда ёнмас”, “Жиноий асар”, “Олтинчи ҳиссиёт” ва бошқа машҳур фильмларда суратга тушганидан кўп ўтмай, муваффақиятсиз фильмларда рол ўйнай бошлади. У ҳар қандай ишни ўз зиммасига олди ва унинг фильмографияси муваффақиятсизликка учради. “Чегарасиз” фильми вазиятни бир оз сақлаб қолди, аммо фильмнинг учинчи қисмида суратга тушишдан олдин у 3 миллионлик гонорардан воз кечди ва 4 миллион доллар талаб қилди. У билан боғлиқ суратга олиш жараёнлари эса тўрт кун давом этган бўларди. Бу ёндашув Сталлонега ёқмади, у дўсти билан хайрлашиб, унинг ўрнига Харрисон Фордни лойиҳага олди.
Майкл Китон — “Бетмен 3”
Бетмен роли Майкл Китон учун ютуқ бўлди. У фильмнинг иккита қисмида суратга тушди, бироқ сценарийни ўқиб бўлгач, лойиҳанинг учинчи қисмидаги ролидан воз кечди. Сценарий унга жуда бемаъни ва сифатсиз туюлди. Майклга бу рол учун 15 миллион таклиф қилинган эди, бу 1990 йилларда ҳатто Голливуд олами учун ҳам катта сумма эди, бироқ бу гонорар Майкл Китонни ишонтира олмади, унинг карьераси бу рад этишдан кейин қулади. Актёрнинг карьераси 2014 йилда, “Қуш одам” фильмидаги рол учун “Оскар”ни олганида қайта бошланди.
Жим Керри — “Эйс Вентура 3”
Жим Керри энг таниқли комедик актёрларидан бирига айланди. Бироқ, Жимнинг ишини ҳамма ҳам ёқтирмасди. Томми Ли Жонс Керрини ўйнаган роллари учун омма олдида ҳақорат қилган. Эҳтимол, бу ҳолат Жим Керрининг онгида ниманидир ўзгартирган бўлиши ҳам мумкин, чунки у вақт ўтиб комедик роллардан драматик ролларга ўтди, бироқ барибир ўз услубини унутмади ва “Ҳар нарсага қодир Брюс”, “Ёлғончи, ёлғончи” каби фильмларда рол ўйнади. У “Эйс Вентур” ҳақидаги учинчи фильмда ҳам рол ўйнаши мумкин эди, бироқ Жимга фильмнинг иккинчи қисмидаги суратга олиш жараёнлари унчалик ёқмади, шунинг учун актёр унга 10 миллион доллар таклиф қилинган бўлса ҳам, лойиҳанинг учинчи қисмида суратга тушишдан бош тортишга қарор қилди. Студия дастлаб тўғри танлов қилди ва лойиҳанинг давомини яратмасликка қарор қилди, бироқ орадан кўп ўтмай “Кичик Эйс Вентур” фильми томошабинларга тақдим этилди.
Шон Коннери — “Узуклар ҳукмдори”
Баъзи актёрлар қандай ролдан воз кечаётганини ҳам билишмайди. Шон Коннери “Узуклар ҳукмдори” ва Гендалф қандай қаҳрамон эканлигини тасаввур қила олмади, шунинг учун у Питер Жексонга рад жавобини берди. Бунинг учун Шон Коннерига 30 миллион доллар ва барча фильмлар учун гонорарнинг 15 фоизи ваъда қилинган эди. Ўша пайтда бутун трилогия кассада 3 миллиардга яқин тўпланишини кам инсон тасаввур қила оларди.
Ҳатто студиянинг реклама берувчилари ҳам синовдан ўтган намойишлардан сўнггина фаоллаша бошлади. Бундан олдин, фақат Питер Жексон ўзининг трилогиясига тўлиқ ишонган ва ҳатто уйини хавф остига қўйган, студия паст тўловлар туфайли мусодара қилиши мумкин эди. Агар Шон Коннери Гендалф ролини ўйнашга рози бўлганида, у тахминан 450 миллион олган бўларди.
Жоди Фостер — “Ганнибал”
“Ганнибал” фильмидаги Жоди Фостер ва Энтони Хопкинснинг дуэти кинодаги энг даҳшатлиларидан бири. Жоди ролни жуда ишонарли ижро этган Энтони Хопкинс билан суратга тушишдан қўрққанини тан олган. Бу фильмнинг иккинчи қисмини суратга олишдан олдин муҳим рол ўйнади, унда Жоди Фостерга ролга қайтиш таклиф қилинди. Бироқ у 15 миллион долларга ҳам лойиҳада қатнашишга рози бўлмади.
Уилл Феррелл — “Элф 2”
“Элф” фильми Янги йил ва Рождество рамзларидан бирига айланди. Бу лойиҳа номақбул ҳазилларсиз ва яхши актёрлар иштирок этган оилавий фильм. Унда Уилл Феррелл бош ролни ўйнади ва фильмнинг иккинчи қисмида ҳам суратга тушиши мумкин эди. Актёрга 29 миллион таклиф қилинган, аммо у давомий фильмларда рол ўйнамаслигини айтиб, рад жавобини берган.
Метт Деймон — “Аватар”
Метт Деймон ўз фаолияти давомида “Борн муқоясаси”, “Марслик”, “Заковатли Уилл Ҳунтинг”, “Оушеннинг 11 дўсти”, “Оддий аскар Райаннинг қайтиши” ва бошқа фильмларда суратга тушган. Метт иштирокидаги ушбу фильмлар рўйхатга “Аватар”ни қўшиш мумкин эди. Бош рол учун Деймонга барча тўловларнинг 10 фоизи таклиф қилинган. Аммо Метт бу таклифни рад этди ва деярли 300 миллион долларни йўқотди. Бунинг сабаби у навбатдаги фильм билан банд эди ва суратга олишни кечиктириб, ҳамкасбларини тушкунликка туширишни истамади.
Изоҳ (0)